Deutschlandradio

Deutschlandradio
Urbo	samrangaj centraj oficejoj en Kolonjo kaj Berlino
Lando	Germanio
Formato	informa kaj prikultura
Zono de elsendo	Germanio kaj ĉirkaŭaj eŭropaj landoj
Lanĉita	la 1-an de januaro 1994
Fondinto	la membraj sendostacioj de la komunumo ARD
Gvidantoj	Stefan Raue (ekde sept. 2017)
Retejo	dradio.de
Reta elsendo	de la kanalo Deutschlandfunk jen en formato MP3 (kliku je la elŝutaĵo kun finaĵo ".m3u")
	v • d • r

Deutschlandradio (DLR, en Esperanto "Germania Radio") estas la tegmenta organizaĵo por tutnacia radioprograma elsendado en Germanio, kun du samrangaj centraj oficejoj en Kolonjo kaj Berlino. Ĝi kompletigas la radioprogramojn de la federaciaj, do regionaj radio- kaj televidelsendejoj de la komuna organizaĵo ARD. Tri tutlandaj radioprogramoj estas produktitaj: Deutschlandfunk (DLF, en la radiocentro Kolonjo), Deutschlandfunk Kultur (DLF Kultur, en la radiocentro ĉe la Hans-Rosenthal-Placo en Berlino) kaj Deutschlandfunk Nova (DLF Nova, en la radiocentro Kolonjo). Kune kun la ARD, la federacia unuiĝo de la publikaj sendostacioj de la germaniaj regionoj, kaj la ZDF, la Dua Germana Televido, Deutschlandradio formas la publikan radian kaj televidan elsendon en Germanio. Kiel plurlanda institucio, ĝi estas submetita al la suvereneco de ĉiuj federaciaj landoj de Germanio.