Diskuto:Cearao

Gravas ke ni diru la nomojn de urboj de Cearao, ĉu ne?

"Estro" jam estas senseksa vorto. Do oni ne bezonas skribi vorton "Estr(in)o". Tial mi forviŝos ĝin. Golbery (Goŭberi') 05:00, 7. Mar 2006 (UTC)

Tamen, ne: Laŭ PIV estro ne estas senseksa. Oni aparte aldonas vorton «estrino. Virino, kiu estras»: kun citaĵo el la zamenhofa verkaro "la estrino de la kudrejo ...". ThomasPusch (diskuto) 20:39, 21 dec. 2024 (UTC)

Nomoj de urboj

Mi sugestas, ke oni esperantigu kelkajn nomojn de urboj de Cearao. Mi volas skribi pri iuj kaj mi ne scias kiuj nomo estas la plej taŭgaj. Golbery (Goŭberi') 16:34, 7. Mar 2006 (UTC)

Se ne estas notita esperantigo de urbo, tiam plej probable ne ekzistas ĝenerale uzita esperantigo, kaj neniel necesas kaj dezirindas ke iu uzanto hejme ĉe la skribtablo "inventas" centojn. Ĝenerala gvidilo estas, ke oni esperantigas nur pli grandajn urbojn,tiujn pri kiuj oni ankaŭ en eksterlando skribas en Esperanto. Tio en Cearao estos unuavice la ĉefurbo, en kiu jam okazis UK kaj IJK, estas longe ekzistanta E-grupo, kiu ankaŭ rimarkiĝis eksterlande, estas universitatoj. Plia esperantigenda urbo en Cearao laŭ mi ne estas. Se tamen esperantigi iun, necesus unue pruvi ke tiu esperantigo ekster Vikipedio estas jam uzata, kaj por pruvi tion necesas alporti konkretajn referencojn. Eble escepte unu skriba referenco sufiĉas - tio pri Brazilo plej probable estos mencio en la verkaĵo Brazilaj geografiaj nomoj. Se iu ekhavas tiun libron, kaj metas referencon al la unua frazo kun konkreta paĝo kie en la libreto notiĝas la esperantigo, tiam tiu esperanta formo jam estas akceptinda. Sed principe tute bonas la normalaj portugalaj urbonomoj. Sed baze entute estas bone ke ekestas paĝoj. Mi dum la lastaj du semajnoj plenigis bonajn ĝermajn artikolojn pri ĉiuj municipoj de A-Q, kaj jam vastigis al ĝerma artikolo la jam antaŭe faritajn tekstojn de R-Z, tio estas 161 el entute 184 paĝoj, do nur 23 mankas gis kiam ĉiuj estos. Mi kreis 129 paĝojn de A-Q plus du post tio, pri Umari kaj Várzea Alegre, estas 131, tio signifas ke antaŭ mia kampanjo estis nur 30 kaj mi aldonis iom pli ol 400 %, ankaŭ ampleksigante la antaŭajn 30 kaj kreante iujn apartigilajn paĝojn. Tio estas la farenda laboro, pri tiuj restaj 23 tekstoj de Cearao, kiuj ankoraŭ ne ekkreiĝis, kaj ankaŭ pri la minicipoj de ĉiuj aliaj subŝtatoj - estas iuj, kie jam per granda peno fariĝis ĉiuj paĝoj, sed kutime ankoraŭ mankas multegaj - tion montras la multaj ruĝaj nomoj en la listoj "Listo de la municipoj de [subŝtato]", ekzemple Listo de la municipoj de Cearao. ThomasPusch (diskuto) 21:48, 21 dec. 2024 (UTC)

PS: Hodiaŭ mi ankoraŭ sukcesis fari 11 pliajn paĝojn pri municipoj de Cearao, de literoj R kaj S, parte inkluzive de novaj blazonoj kaj flagoj; do nun nur restas 12 mankaj paĝoj - tion oni jam ne plu povas priskribi per "multaj ruĝaj nomoj", en Cearao restas nur malmulzaj truoj. Tamen en la aliaj partoj de Brazilo ankoraŭ estas multaj listoj kun multegaj ruĝaj ligiloj, kvankam mi hodiaŭ flanke ankaŭ povis krei unu paĝon en Parao kaj ampleksigi plian en Bahio ... sed kio estas unu paĝo, se tiom multaj mankas? ThomasPusch (diskuto) 18:25, 22 dec. 2024 (UTC)

Nomo de la artikolo

La subŝtato devus nomiĝi ne Cearao, sed Searao: la skribo C estis nur kutimo de la koloniistoj por skribi la tupian /s/, sed ĝi ĉiam prononciĝis kaj prononciĝas /s/; vidu pli ĉe la piednotoj en "Esperantigo de vortoj el portugala fonto"; mi nur tolerus la skribon C en latindevenaj propraj nomoj. Ĉi tio estas fuŝa grafismo: ni lasu tiujn je la plej malalta nombro kiel eble. -- skribis, sen subskribi, la tutnova uzanto Ubizias je 2 jul. 2019, kiu entute en vikipedio ĝis fino de 2024 skribis nenion alian krom tiujn du frazojn

Fakte la uzanto kiu nomis sin Ubizias en 2019 pravas ke pri la vikipedia esperanta nomo "Cearao" mankas ĉiu referenco ĝis nun. Problemo estas nur ke la subŝtataj nomoj aldoniĝis tiom frue en la historio de la esperanta vikipedio, ekzemple la paĝo nomata "Cearao" en februaro 2002, kiam la tuta vikipedio en Esperanto ekestis en novembro 2001, do nur estis la tria monato, tiam ankoraŭ ne estis iuj ajn reguloj, kaj la nomo kiu eble en 2002 estis "hazarde elektita" de iu kiu pionire elpensis du frazojn por komenca teksto, poste simple iĝis tradicia, ĉar vikipedio intertempe estas institucio. Mi ĵus konstatis ke la malnova retejo esperantoceara.org.br de la regiona Esperanto-asocio (la sola movada ekstera ligilo indikata en la paĝo) estas senespere malaktuala, laste ŝanĝiĝis en 2008 kaj ne plu atingeblas ekde 2010, sed estas aktiva facebook-paĝo kun lasta redakto de decembro 2024 kaj ankaŭ rettaglibro esperantoceara.blogspot.com, ankoraŭ atingebla finde de 2024, bele bunta, sed fakte ne flegita post 2010. Sed ankaŭ en tiuj du pli aktualaj esperantistaj retejoj, komplete en la portugala, eĉ ne unufoje aperas la nomo Ceará en Esperanto. Eble do la propono, ke pli bonus esperanta nomo "Searao", estas tute ne malsaĝa: sed nepre necesas referencoj nun, ĉar ni ne plu estas en la ĥaosa unua duonjaro de la projekto.

Do, kion la verkaĵo Brazilaj geografiaj nomoj opinias pri esperantigo de la subŝtato portugale nomata Ceará? Kiel Brazila Esperantisto skribas ĝin en Esperanto? Kaj kiel aliaj eldonaĵoj de Brazila Esperanto-Ligo? ThomasPusch (diskuto) 21:48, 21 dec. 2024 (UTC)

Aldonaĵo al la demando "Cearao" aŭ "Searao":

Fakte mi hodiaŭ jam trovis du eblajn referencojn por la vorto "Searao":

• en vortaro.esperanto.org.br ĝi aperas en la reta vortolisto de Esperanto al la portugala, kompilita de Túlio Flores, kompreneble ankaŭ en la alia direkto, kaj en
• brazilamuziko.com aperas ambaŭ formoj, kaj Searao kaj Cearao, en priskribo de la brazila kanzono La samblernejestro de l' mar', tradukita, kantata kaj akompanata de Flávio Fonseca.

Sed krome mia serĉo de de la ĝenerala interreto per "Searao kaj" (ĉar "kaj" estas la plej ofta vorteto kiu aperas en esperantaj tekstoj kaj ne samtempe ankaŭ en multaj aliaj lingvoj, tial "de" aŭ "en" por serĉado ne taŭgus) ne rezultigis trovojn, do estis 2 trafoj, sed "Cearao kaj" rezultigis 98 trafojn (apenaŭ iujn rekte el vikipedio, sed kelkajn el vikipediaj kopioj, tamen plejmulte el aliaj retejoj). Tio kompreneble estas granda plimulto, sed same kompreneble estas nur pro la intertempa influo de la esperanta vikipedio al la ĝenerala reto (en la esperanta vikipedio mem cetere nun estas pli-malpli 300 artikoloj pri "Cearao", diras la vikia serĉo, kaj kompreneble nun praktike ne estas uzoj de "Searao" (mi trovis 1 uzon), en la komunejo estas eĉ pli draste 441 520 rezultoj por Cearao kontraŭ 0 por Searao kaj en la vikidatumoj estos simile). Sed tiuj statistikoj certe ŝanĝiĝus, se oni povus konvinki ŝanĝi la vikipedian uzon al vortumo "Searao", kaj poste ankaŭ povos ŝanĝi ĉiujn uzojn en la 300 artikoloj (se vere estas ne pli), en nekonata nombro de kategorioj, kaj la amason da uzoj en vikidatumaro (koŝmare...) - mi fidus al tio ke la uzo en la komunejo aŭtomate tre reduktiĝus se nia vikipedia branĉo ŝanĝas sian vortuzon. Tamen mia demando restas: kiel statas pri papere presitaj vortaroj, pri Brazilaj geografiaj nomoj, Brazila Esperantisto kaj aliaj publikaĵoj? ThomasPusch (diskuto) 19:04, 22 dec. 2024 (UTC)