Diskuto:Grand Dictionnaire Français-Espéranto
Iom stranga titolo – se ni uzas la gramatikon "Esperanto vortaro" (sen ligo-streko), kial ni ne tuj uzas la anglan lingvon? Se ĉiuokaze ni devas scii la anglan gramatikon, estus pli simple. --aldonis anonime uzanto de la IP-adreso 84.56.14.174 je 27 maj. 2005 (UTC) - kun sava noto "malica, sed pravigebla komento"
- Reage, la 8-an de februaro 2014 la uzanto Dominik movis paĝon "Franca Esperanto vortaro Lepŭil" al titolo "Grand Dictionnaire Français-Espéranto", kun noto "Tio estas la oficiala nomo de tiu ĉi vortaro".
Pli lastatempe, la @uzanto:Super nabla la 16-an de marto 2023 aldonis kritikan ŝablonon supre "Ĉi tiu artikolo pri vortaroj citas neniun fonton." Pri tiu kritiko mi ne konsentas. Ĝustas ke ĝis nun ne estis formala, rete alirebla fonto en la ĉapitro pri "[eksteraj] referencoj" - mi ĵus trovis unuan tian rete alireblan fonton kaj metis ĝin tien. Sed ankaŭ sen tio, estis sep referencoj pri favoraj kaj malpli favoraj recenzoj de papere presitaj publikaĵoj en la koncerna ĉapitro de la teksto (ses aparte listigitaj plus tiu de C. Minnaja), kaj aldone ekstera ligilo al biblioteka datumaro en Antverpeno, al kiu mi ĵus plie aldonis la libroservon de UEA en Roterdamo kaj Unesko-paĝon. Al tio oni senprobleme ankoraŭ povus aldoni noton de la aŭstria nacia biblioteko en Vieno, kvankam ĝi estas tiom konciza ke ĝi laŭ mi ne meritas mencion en la eksteraj ligiloj, kaj povus trovi certe ankoraŭ aliajn pruvojn ke grandaj bibliotekoj listigas kaj stokigas ĝin, aŭ trovi ĝin en komercaj vendejoj kiel Amazon. Sed ankaŭ sen tio, citataj fontoj ankaŭ estas fontoj, se ili aperas en la teksta ĉapitro pri recenzoj, kiam temas pri recenzoj, aŭ aperas sub la ĉapitra titolo "eksteraj ligiloj", kiam temas pri eksteraj ligiloj kiuj nur pruvas la ekziston de la libro entute. Mi ne sentas min iel kritikita, ĉar mi tute ne estas unu el la originaj aŭtoroj, sed mi volas defendi la tekston mem kontraŭ la kritiko, kiun mi opinias ne prava. Kompreneble eblas ĉiam provi trovi ankoraŭ pliajn eksterajn referencojn, ĉiu bonvenas fari tiel, sed ne ĝustas ke la artikolo en la kritikata momento de marto 2023 "citis neniun fonton". ThomasPusch (diskuto) 15:11, 14 dec. 2024 (UTC)