Diskuto:Higeno (verkisto)

Famaj verkaĵoj

Rekomendinde elpreni la sekciojn pri la verkoj, nome Fabulae kaj De Astronomia por krei propran paĝo al ĉiu verkaĵo. Sj1mor (diskuto) 06:58, 19 jun. 2022 (UTC)

Eble, tamen mi havas tute alian peton, ne al vi, Sj1mor, sed al la origina verkinto kaj al ĉiuj redaktantoj publike. Mi en la teksto trovis plurajn nekutimajn vortumojn, ekzemple nekompreneblan frazon kiu temis pri "negligenta traduko". La vorto negligenta tute ne ekzistas en Esperanto. Se oni vidas ke en la esperanta teksto estas amaso da ruĝaj ligiloj pri homoj kiuj iam tradukis iun verkaĵon el la latina al la angla (kial tiu akcento pri la angla??) kaj supozas ke la origina redaktanto laŭlitere tradukis el la angla vikipedia teksto de decembro 2017 al Esperanto (la fonton kaj daton de traduko estus bone mencii), oni rigardante la anglan vikipedian tekston vidas ke tie estas indiko pri eldono "negligently and uncritically transcribed", kio en Esperanto estas "neglekte kaj senkritike transskribita". Mia peto do estas neniam inventi iujn neekzistajn vortojn kiel "negligenta", kiam bone bone eblas traduki el la angla al ekzistantaj esperantaj vortoj. Tamen, la noto ke tiu eldono estis "neglekte kaj senkritike transskribita", ŝajnas ne objektiva priskribo, sed tute subjektiva, tre kritika juĝo de iu vikipedia kritikanto kiu ne estas nomata: Tute ne eblas kompreni, kion la eldonisto neglektis en la eldono, kaj kial tiu eldono de 1535 estas tiom kritikenda kaj sume malbona. Tial pli bonas entute vortumi la frazojn pli objektive, kaj nur skribi ke la eldono de 1535 estis "senkritike transskribita". Sume mi tute ĝenerale alvokas enŝalti sian kapon kiam oni verkas esperantan tekston, ne sklave kaj laŭlitere traduki el fonta teksto, kiu sekve al Esperanto estas "neglekte kaj senkritike transskribita", por citi la citaĵon, sed dum la tradukado ankaŭ revizii la originan tekston, kiu ne estis la biblio, sed neperfekta anglalingva teksto el volontula, amatora vikipedia branĉo. Bedaŭrinde ne eblas adresi mian kritikon al la uzanto mem, mem alparoli lin estus pli ĝentile, sed la kolego komencis kaj ĉesis kunlabori en decembro 2017, kaj ekde tiam ne pli vidiĝis en Vikipedio. Sed en tiu unu monato li abunde verkis, bedaŭrinde iom "neglekte kaj senkritike", kaj postlasis multegajn dubindajn ruĝajn ligilojn (kiuj intertempe en la angla originalo ĉiuj estas forigitaj, nur en nia traduko ili restas) kaj aliaj nepripensaĵojn... Do mia peto tute ĝenerale estas, ke en vikipedio multe pli gravas la kvalito ol la kvanto de redaktado - prefere faru nur 5, ne 30 ĉapitrojn aŭ novajn tekstojn, sed pripensu kion vi publikigas, laŭ viaj eblecoj. ThomasPusch (diskuto) 10:20, 9 dec. 2024 (UTC)