Diskuto:Internacia Matematika Olimpiado

Pripensindas ĉu sencus alinomigi la titolon Internacia Matematika Olimpiado Internacia Matematika Olimpiko, kontraste al pli-malpli ĉiuj alilingvaj titoloj. Avantaĝo estas ke la nomo olimpiado indikas kalendaran tempointervalon de ekzakze 4 jaroj, kaj ne rilatas al la analogio al la antikvaj kaj modernaj sportaj olimpikoj kiu celiĝas ĉi tie, sed malavantaĝo estus ke ĝuste pli-malpli ĉiuj alilingvaj titoloj ignoras tiun leksikan malekzaktecon kaj facilanime nomas la eventon "olimpiado" - tio cetere koncernas plurajn sciencajn konkursojn, ankaŭ pri fiziko, biologio ktp. Mi tendence inklinas sekvi la alilandajn modelojn kaj ignori la malekzaktecon, do ne ŝanĝi ion en la titolo, sed mi ne havas fortan opinion kj volas ĉiukaze starigi la demandon. ThomasPusch (diskuto) 09:19, 3 aŭg. 2024 (UTC)

PS: Ĵus mi vidis ke en Diskuto:Internacia lingvistika olimpiado jam leviĝis la sama demando, ankaŭ kun voĉo por "olimpiado" kaj voĉo por "olimpiko", do same hezitante kiel mi hezitis ĵus ... ThomasPusch (diskuto) 10:23, 3 aŭg. 2024 (UTC)