Diskuto:Kosroes la 1-a

La du sasanidaj imperiestroj Ĥosro la 2-a (569-628) kaj la avo Kosroes la 1-a (501-579, do "Ĥosro la 1-a") klare havis la saman nomon. Nur en la esperantlingva vikipedio ili iel pro malatento ricevis tute malsamajn nomojn, Kosroes respektive Ĥosro. Laŭ latinliterigo de la origina nomo la komenca sono "ĥ" fakte pli taŭgas ol la anstataŭaĵoj "k" aŭ "h", kiujn uzas iuj naciaj lingvoj kiuj ne havas la sonon "ĥ". Sed Esperanto tute havas la sonon kaj literon, tial mi proponus unuecigon al komuna esperanta nomo Ĥosro. Mi en la esperanta literaturo trovis nul referencojn pri esperantigo de la nomo. Se iu pli sukcese trovas iun referencon, despli bone. Sed mi opinias ke unueca esperanta nomo por la origine evidente sama nomo ĉiukaze estos plibonigo al la nuna strangega situacio... ThomasPusch (diskuto) 15:20, 8 okt. 2024 (UTC)