Diskuto:Nordia Milito 1655-1660

Ĉu ne Nordiaj militoj? En Esperanto ekzistas vortoj "nordia" kaj "sudia". Nordiaj landoj de Eŭropo, Sudiaj ŝtato de Usono... Petro^@_disk ^kont 19:39, 11. Feb 2008 (UTC)

En Esperanto "ekzistas" ĉiu vorto, kiun iu iam uzis por privata dialekto, egale, kiel superflua ĝi estas, au kontrau la fundamento au kontrau la kutime uzata lingvo.

Esperanto kutime formas nonom de lando el la nomo de la enloĝanto, aldonante la sufiksojn -i- au -uj- au la nocion -land- (german - Germanio, polo - Polujo, ruso - Ruslando). En alia kazo la radiko mem prezentas la landnomon (Australio, Angolo).

Do "nordio" estus derivo de "nordo", kio lau la skizita koncepto estus la enloĝanto de tiu lando. Evidente tio ne estas. Kompreneble vi trovas ekzemplojn, kiuj bazas sur alia kompreno de la lingvo - vd. mian indikon pro privata lingvo. Vikipedio havas ankaŭ normigan funkcion, ni konsciu pro tio kaj atentu pri altkvalita, respondeca kaj deca evoluado de la lingvo.

La problemo estas la traduko de la nocio "nordisch/nordisk". Oni povas traduki simple per "norda" (kiel en la angla kaj franca vikipedioj) aŭ, se vi ne volas tion, per "nordlanda".

Estas malbona maniero bazi fuŝan tradukon (nordia) sur alia fuŝa traduko (sudio - cetere, kiu inventis tiun?). "Sudio" en la senco de "Südstaaten der USA" estu sudŝtataro de Usono. -- MichaelL2008 09:08, 10. Sep 2008 (UTC)

Nun jam pasis 16 jaroj, sed min tamen iritas la ideo formi la lingvon per redaktado aŭ diskutado en vikipedio. Mi multfoje vidis kaj aŭdis la esperantan vorton Nordio, precipe ekster la interreto, kie guglo ne povas bone kalkuli vortojn, kaj la alternativan formon Sudio - ekzakte nul-foje (krom en la antaŭa diskuto). Kompreneble mi nur estas unu esperanto-parolanto inter multaj, sed PIV konfirmas mian impreson: Nordio havas artikolon en la Plena Ilustrita Vortaro de Esperanto (PIV), eldono de 2020, reta versio, ankaŭ jam en la eldono de 2002, presita eldono, paĝo 790, kaj formo "Sudio" ne menciiĝas. Nur eblas konkludi, ke iuj ne ŝatas la vorton Nordio, sed ĝi estas establita vorto malgraŭ ke iuj teranoj ne ŝatas ĝin. ThomasPusch (diskuto) 17:24, 7 nov. 2024 (UTC)[Respondi]

Ruĝaj ligiloj pri la sub-militoj

Listo pri sub-militoj de la temo jam ekzistas post kiam anonimulo komence de 2008 faris unuan version de la teksto:

Pri la tria ero el la listo mi trovis tekston Dan-Sveda Milito (1658–60), kiu efektive estas pli klare literumita ol la imagita vorto "Danisvedia Milito", pri la aliaj tri militoj mi ne sukcesis trovi esperantajn artikolojn - mi ankoraŭ trovis la Dan-Svedan Militon de 1657-1658 en vikidatumoj, kodo d:Q632313. Ŝajnas ke ĝis nun dum pli ol 16 jaroj neniu pretis fari tekstojn pri la tri mankaj sub-militoj, kaj supozeble tio ne ŝanĝiĝos dum la sekvaj 20 jaroj. Tial mi proponas ĝustigi la ligilon pri la Dan-Sveda Milito (1658–60), kompreneble, tio ne diskindas, sed krome proponas ŝanĝi la tri mankajn ruĝajn ligilojn al simpla teksto: Se iu malgraŭ ĉiu probableco jes faros e-lingvan artikolon, eblos senprobleme interligi ĝin el tiu kaj similaj paĝoj. ThomasPusch (diskuto) 18:15, 7 nov. 2024 (UTC)[Respondi]