Dmitrij Gluĥovskij
| Dmitrij Gluĥovskij | |
|---|---|
| |
| Persona informo | |
| Naskonomo | Дмитрий Алексеевич Глуховский |
| Naskiĝo | 12-an de junio 1979 (45-jaraĝa) en Moskvo, Rusia Soveta Federacia Socialisma Respubliko,  Sovetunio
|
| Lingvoj | rusa • angla • franca • germana • hebrea • hispana |
| Ŝtataneco | Rusio Israelo Sovetunio 
|
| Alma mater | Hebrea Universitato de Jerusalemo
|
Subskribo 
| |
| Okupo | |
| Okupo | verkisto sciencfikcia verkisto scenaristo romanisto ĵurnalisto novelisto
|
| Verkoj | Metro 2033 Metro 2034 Metro 2035 |
| TTT | |
| Retejo | http://www.glukhovsky.ru |
Dmitrij Aleksejeviĉ Gluĥovskij (ruse Дмитрий Алексеевич Глуховский) naskiĝis la 12-an de junio 1979, estas rusa sciencfikcia aŭtoro famiĝinta pro sia romano Metroo 2033 (ruse Метро 2033).
Biografio
[redakti | redakti fonton]Gluĥovskij naskiĝis kaj trapasis sian infanaĝon en Moskvo[1]. 17-jaraĝa, li foriris en Israelon por studi ĵurnalismon kaj internaciajn rilatojn dum 4 jaroj, lernante la hebrean[2]. Li poste laboris por la televidkanaloj Russia Today, Euronews, Sky News kaj Deutsche Welle.
La rakonton de Metroo 2033 li ekimagis kiel novelon kiam 18-jaraĝa, kaj poste publikigis ĝin senpage ĉe sia retejo en 2002. Ĝi estas malutopio kies temo estas supervivado en la moskva metroo post monda nuklea milito. Printita libro eldoniĝis en 2005 kaj estis tutmonda komerca sukceso. La verko kaj ties sekvaĵoj, inkluzive de videoludoj, iĝis franĉizo.
En 2021, Gluĥovskij publike subtenis la arestitan rusan opozician aktivulon Aleksej Navalnij kaj postulis lian liberigon en reta video. En la komenco de la rusia invado de Ukrainio, Gluĥovskij montris subtenon al Ukrainio, inkluzive de publika deklaro elsendita ĉe Arte[3]. La 7-an de junio 2022, li rivelis ke li estis envicigita en la rusian federacian arestendulan liston; li skribis sur sia Telegram-kanalo ke li estis akuzita je misfamigado de la Rusiaj Armitaj Fortoj kaj akuzo al Putin pri respondeco pri la milito, pro afiŝo kiun li faris ĉe Instagram. En oktobro, Gluĥovskij estis aldonita al la listo de eksterlandaj agentoj fare de la justicministerio[4]. Post kiam Moskva distrikta tribunalo ordonis la areston de Gluĥovskij forestante, li alfrontis ĝis 10 aŭ 15 jarojn en malliberejo. La forestanteca aresto estis plenumita la 13-an de majo 2023. La 7-an de aŭgusto, Gluĥovskij estis kondamnata kontumace al 8-jara mallibereca puno[5].
Referencoj
[redakti | redakti fonton]- ↑ http://www.tele.ru/stars/interview/dmitriy-glukhovskiy-poka-u-menya-ne-poyavilsya-rebenok-ya-ne-mog-nachat-pisat-etot-roman/ Tele.ru, 28-a de julio 2015
- ↑ https://en.wikipedia.org/wiki/Dmitry_Glukhovsky#cite_note-7 M24.ru
- ↑ https://www.arte.tv/en/videos/108096-002-A/ukraine-notspeechless-dmitry-glukhovsky/ Arte, 20-a de majo 2022 (arkivo)
- ↑ https://meduza.io/en/news/2022/10/07/oxxxymiron-and-dmitry-glukhovsky-declared-foreign-agents Meduzza, 7-a de oktobro 2022
- ↑ https://apnews.com/article/russia-crackdown-navalny-court-dmitry-glukhovsky-4d35046224f7f0f2cba076bb1544fe4a Associated Press, 8-a de aŭgusto 2023