Egopodio
 | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| Biologia klasado | ||||||||||||||
| ||||||||||||||
| Aegopodium podagraria L. | ||||||||||||||
Aliaj Vikimediaj projektoj
| ||||||||||||||
La egopodio (Aegopodium podagraria) estas planto el la familio de apiacoj (Apiaceae). Ĝi estas fifama trudplanto, ĉar ĝi havas rampantajn subterajn stolonojn. La planto kreskas en ombroriĉaj lokoj sub heĝoj, en ĝardenoj sur vojflankoj sur humida sterkita grundo. Ĝi fariĝas 60 ĝis 90 cm alta.
En egopodio troviĝas vitamino C, vitamino A kaj kalio, kalcio, magnezio, silikacido. Ĝi estas manĝebla, la folioj povas esti preparataj kvazaŭ spinaco. Sekigita la gusto similas iom al petroselo. Jam la antikvaj romianoj manĝis ĝin.
En la popolkuracarto oni uzas egopodion por flegi podagron kaj reŭmaton. Kompresoj el kontuzitaj folioj de egopodio havas mildigan efikon je doloraj artikoj.
