Eich LU

Eich
	Blazono de Eich
	Eich - ĉefvojo de Sempach al Sursee
komunumo en Svislando
Kantono	Lucerno
Distrikto	Sursee
Koordinatoj	47° 9′ 3″ N 8° 10′ 4″ O / 47.15083 °N, 8.16778 °O (mapo)Koordinatoj: 47° 9′ 3″ N 8° 10′ 4″ O / 47.15083 °N, 8.16778 °O (mapo)
Nombro de loĝantoj	1613
Areo	5,89 km²
Alteco	516 m super marnivelo
Poŝtkodo	6205
Komunumkodo	1084
	Mapo de Eich
	v • d • r

Eich (prononcu: ajĥ) estas komunumo en la distrikto Sursee en Kantono Lucerno, Svislando. Ĝi havis 1613 loĝantojn je la 31-a de decembro 2007.

Geografio

La komunumo Eich situas ĉe la orienta bordo de la Lago de Sempach norde de la urbo Sempach.

La teritorio de la komunumo de la komunumo etendiĝas sen la lago sur areo de 5,89 km², de kiuj 19,5% estas kovritaj de arbaro, 67,9% servas por agrikulturo kaj 12,6% por setlado.

Najbaraj komunumoj

La komunumo Eich limas en nordo al Beromünster, en nordoriento al Neudorf, en sudoriento al Sempach, en okcidento (aliflanke de la Lago de Sempach al Nottwil kaj Oberkirch, kaj en nordokcidento al Schenkon.

Trafiko

Eich situas ĉe la kantona ĉefvojo de Sursee al Sempach. La komunumo estas konektita al la publika trafikreto per poŝtaŭtolino de Sursee al Sempach-Station. La plej proksimaj alveturejoj al la svisa aŭtovojo A2 troviĝas en distanco de proksimume 5 kilometroj en Sursee kaj Sempach.

Historio

La unua dokumenta mencio de Eich datiĝas el la jaro 1045 kiel Heiche. En mezepoko Eich apartenis al la habsburga distrikto Sempach. En 1415 ĝi estis integrita al la Mikaela distrikto, kiu unue estis administrita de la urbo Sursee kaj ek de 1420 rekte de Lucerno. Dum la tempo de la Helveta Respubliko inter 1798 kaj 1803 la komunumo apartenis al la helveta distrikto Sempach kaj ek de 1803 al la distrikto Sursee.