Bitsch

Bitsch
	Blazono de Bitsch
	Blazono de Bitsch
komunumo en Svislando
Kantono	Valezo
Distrikto	Orienta Rarono
Koordinatoj	46° 20′ 11″ N 8° 0′ 29″ O / 46.33639 °N, 8.00806 °O (mapo)Koordinatoj: 46° 20′ 11″ N 8° 0′ 29″ O / 46.33639 °N, 8.00806 °O (mapo)
Nombro de loĝantoj	859
Areo	4,02 km²
Alteco	692 m super marnivelo
Poŝtkodo	3982
Komunumkodo	6173
	Situa mapo de Bitsch
	v • d • r

Por samtitola artikolo vidu la paĝon Bitsch (stacidomo).

Bitsch [biĉ] estas komunumo en la distrikto Orienta Rarono en Kantono Valezo, Svislando. Ĝi havis 859 loĝantojn je la 31-a de decembro 2011.

Geografio

La komunumo Bister situas en Supra Valezo, tio estas la germanlingva parto de la kantono, ĉe la bordo de la rivero Rodano apud la alfuejo de ĝis norda alfluanto Masa, kiu formas la okcidentan komunumlimon kun Naters. La komunumo troviĝas en aera distanco de 146 kilometroj okcidente de Ĝenevo kaj 146 kilometroj sudokcidente de Zuriko. La komunumo konsistas el la vilaĝo Bitsch kaj la setlejoj Ebnet, Sattel, Eiche kaj Wasen.^[1]

La teritorio de la komunumo etendiĝas sur areo de 4,02 km², de kiuj 32,7% estas kovritaj de arbaro, 31,7% servas por agrikulturo kaj 11,5% por setlado. ^[2]

Najbaraj komunumoj

La komunumo Bitsch limas en nordo kaj oriento al Riederalp, en sudo al Termen, kaj en okcidento al Naters.

Trafiko

Tra Bitsch pasas la kantona ĉefvojo n-ro 19 de Brigo trans Furko-Pasejo al Andermatt. Pere de la stacidomo ĉe la trajnlinio de la Matterhorn-Gotthard-Fervojo la komunumo estas konektita al la publika transportreto.

Historio

La unua dokumenta mencio de Bister datiĝas el la jaro 1373 kiel komunumo de vilaĝanoj. Dum mezepoko ĉi formis kun Ried-Mörel kamparanan gildon kaj kvartalon de la Dekono Orienta Rarono. En la jaro 1799 apud la ponto de Massaboden okazis batalo inter la francaj trupoj kaj la defendantoj de la malnova feŭda reĝimo.^[3] En Bitsch estis konstruita en 1898 la Kanalo Hennebique, kiu estas la plej malnova kanalo el betono en Svislando.