Ekstremaj punktoj de Rusio
Tio estas listo de Ekstremaj punktoj de Rusio.
La plej nordaj kaj plej orientaj punktoj de Rusio koincidas kun tiuj de Eŭrazio (ambaŭ por la kontinento kaj inkluzive de la insuloj).
La ekstremaj punktoj de Sovetunio estis identaj, krom tio ke la plej suda punkto de Sovetunio estis Serĥetabad en Turkmenio, kaj la plej alta pinto estis Montopinto Ismail Samani (Montopinto de komunismo) en Taĝikio, je 7 495 m.
De 1799 ĝis 1867 la plej orienta punkto de la Rusia Imperio situis en Nordameriko, ĉe la limo inter rusa Alasko kaj Brita Nordameriko, kiu koincidis kun al la tiama internacia datlinio. La plej okcidenta punkto de la Imperio estis lokita en Pyzdry en Kongresa Pollando de 1815 ĝis la okupacio fare de germanaj kaj aŭstro-hungaraj soldatoj en 1915. Serĥetabad en la hodiaŭa Turkmenio estis la plej suda punkto de la Imperio ekde 1885. Denove, ĝis la Vendo de Alasko, la pinto de Denali estis la plej alta pinto en la Imperio, je 6 194 m super la marnivelo.
La ceteraj ekstremaj punktoj estas la samaj kiel la ekstremaj punktoj de la Sovetunio.
Ekstremaj koordinatoj
[redakti | redakti fonton]Inkluzive de insuloj kaj eksklavoj
- Plej norda punkto — Fligeli-kabo, Lando de Francisko Jozefo, Nenecio (81° 50′ 35″ N 59° 14′ 22″ O / 81.84306 °N, 59.23944 °O (mapo))
- Plej suda punkto — apud Monto Bazarduzu, Dagestano (41° 13′ 14″ N 47° 51′ 28″ O / 41.22056 °N, 47.85778 °O (mapo))
- Plej okcidenta punkto — Narmeln, Vistula terlango, Kaliningrada provinco (54° 27′ 29.4″ N 19° 38′ 21″ O / 54.458167 °N, 19.63917 °O (mapo))
- Plej orienta punkto1 — Granda Diomedo, Ĉukotka aŭtonoma distrikto (65° 47′ N 169° 01′ U / 65.783 °N, 169.017 °U (mapo))
Nur kontinua kontinento
- Plej norda punkto — Kabo Ĉeljuskin, Krasnojarska regiono (77°43'N)
- Plej suda punkto — Monto Bazarduzu, Dagestano (41°12'N)
- Plej okcidenta punkto — apud Lavri, Pskova provinco (27°19'E)
- Plej orienta punkto1 — Kabo Deĵnjov (Orienta Kabo), Ĉukotka aŭtonoma distrikto (169°40'W)
Vilaĝoj kaj urboj
- Plej norda punkto — Pevek, Ĉukotka aŭtonoma distrikto (69°42′N)
- Plej suda punkto — Derbent, Dagestano (42°04′N)
- Plej okcidenta punkto — Baltijsk, Kaliningrada provinco (19°55′E)
- Plej orienta punkto — Anadir, Ĉukotka aŭtonoma distrikto (177°30′E)
Konstantaj loĝpunktoj
- Plej norda punkto — Dikson (73°30′N)
- Plej suda punkto — Kuruŝ, Dagestano (41°16′N)
- Plej okcidenta punkto — Baltijsk, Kaliningrada provinco (19°55′E)
- Plej orienta punkto1 — Uelen, Ĉukotka aŭtonoma distrikto (169°48′W)
1laŭ la limo de la internacia datlinio.
Ekstremaj altecoj
[redakti | redakti fonton]
- Plej malalta punkto: Kaspio profundo: −28 m
- Plej alta pinto: okcidenta pinto de Elbruso: 5642 m
- Plej alta pinto en Azio: Kluĉevskaja Sopka: 4750 m
Fonto
[redakti | redakti fonton]En tiu ĉi artikolo estas uzita traduko de teksto el la artikolo List of extreme points of Russia en la angla Vikipedio.