El disputado voto del Sr. Cayo
| El disputado voto del Sr. Cayo | |
|---|---|
| filmo | |
| Originala titolo | El disputado voto del señor Cayo |
| Originala lingvo | hispana lingvo |
| Kina aperdato | 1986 |
| Ĝenro | drama filmo |
| Kameraado | Alejandro Ulloa, Alejandro Ulloa Jr. |
| Reĝisoro(j) | Antonio Giménez-Rico |
| Loko de rakonto | Hispanio |
| Rolantoj | Francisco Rabal • Juan Luis Galiardo • Lydia Bosch • Eusebio Lázaro • Mari Paz Molinero |
| IMDb | |
El disputado voto del Sr. Cayo (La disputita voĉdono de la Sro. Kajo) estas hispana filmo de 1986 reĝisorita de Antonio Giménez-Rico, baze sur samnoma romano de Miguel Delibes verkita en 1978.[1] Dum la balotado de 1977, nome la unuaj demokratiaj en la Hispana Transiro al la demokratio, kandidato de la socialisma partio PSOE (Juan Luis Galiardo) veturas kun du junaj aktivuloj tra la nordo de la provinco Burgoso, kie li konas la urbestron de preskaus neloĝata domaro, nome la sinjoro Cayo (Francisco Rabal).[1]
Intrigo
[redakti | redakti fonton]Víctor, aŭ "V. V." (Juan Luis Galiardo), veterana socialisto, kiu suferis politikan subpremadon dum la frankisma diktaturo, kandidatiĝas en la balotado de 1977 por la provinco Burgoso, kaj faras kampanjon tra serio de malgrandaj vilaĝoj. Akompanas lin du junaj geaktivuloj, Lali (Lydia Bosch) kaj Rafa (Iñaki Miramón). La triopo alvenas al preskaŭ senhoma domaro, en kiu ili trafas Sron. Cayo (Francisco Rabal), la urbestro, kiu informas, ke fakte restas nur du pliaj personoj en la loko; lia edzino, kiu ne parolas, kaj najbaro kun kiu li ne parolas, ĉar ili malamikas. La vizitantaj politikistoj multe lernas pri la aparta vivo de la tradiciaj kamparanoj. Krome venas bando de junaj ekstremdekstruloj, kiuj ĉikanas kaj batas ilin. Rafa ŝajne seniluziiĝis, dum V. V. kaj Lali parolas pri seniluziiĝo de politikistoj en tiom ŝanĝanta lando.
Jarojn poste, Rafa kaj Lali renkontiĝas en la funebro de V. V. kaj planas viziti la Sron. Cayo, kiel ili promesis. Tiam la Sro. Cayo jam estas tute sola. Rafa klopodas por paroli kun li, sed notas, ke la maljunulo estas tre malsana, kaj sendas lin al hospitalo.
Geaktoraro kaj roluloj
[redakti | redakti fonton]| Aktoro | Rolulo |
|---|---|
| Francisco Rabal | Señor Cayo |
| Juan Luis Galiardo | Víctor |
| Iñaki Miramón | Rafa |
| Lydia Bosch | Laly |
| Eusebio Lázaro | Dani |
| Mari Paz Molinero | Edzino de Cayo |
| Gabriel Renom | Mauricio |
| Francisco Casares | Carmelo |
| Abel Vitón | Ángel Alad |
| Juan Jesús Valverde | Arturo González |
| Julián Navarro | |
| José Ramón Pardo | |
| Carlos Santurio | |
| Julia Torres | |
| Salvador Guerrero | |
| Tino Martín | |
| Pilar Coronado |
Referencoj
[redakti | redakti fonton]- ↑ 1,0 1,1 en Filmaffinity. Alirita la 29an de Junio 2023.
Eksteraj ligiloj
[redakti | redakti fonton]- En tiu ĉi artikolo estas uzita traduko de teksto el la artikolo El disputado voto del Sr. Cayo en la hispana Vikipedio.