Elektra impedanco de Planck

En fiziko, la elektra impedanco de Planck aŭ elektra rezistanco de Planck Z_P estas la mezurunuo de elektra impedanco kaj elektra rezistanco en sistemo de naturaj unuoj origine proponitaj de germana fizikisto Max Planck.

Ĝi egalas al:

$Z_{P}={\frac {V_{P}}{I_{P}}}={\frac {1}{4\pi \epsilon _{0}c}}={\frac {Z_{0}}{4\pi }}\ ,$

kie c estas lumrapideco en vakuo;

ε₀ estas elektra konstanto;

V_P estas elektra tensio de Planck;

I_P estas elektra kurento de Planck;

Z₀ estas karakteriza impedanco de libera spaco.

Ĝia valoro estas

Z_P = 29,9792458 Ω .

La valoro estas preciza, ĉar ĝi estas kalkulita nur per c kaj ε₀, kiuj ambaŭ estas precizaj.

En SI-aj unuoj, la lumrapideco en vakuo estas difinita kiel

c = 299792458 m s⁻¹

kaj la magneta konstanto estas difinita kiel

μ₀=4π · 10⁻⁷ V·s/(A·m) ,

kaj por la elektra konstanto estas idento

ε₀ = 1/(μ₀c²) .

Tiel estas

$Z_{P}={\frac {1}{4\pi \epsilon _{0}c}}={\frac {\mu _{0}c}{4\pi }}={\frac {4\pi 10^{-7}\cdot 299792458}{4\pi }}\Omega =29,9792458\;\Omega \ .$

Samaksa kablo kun karakteriza impedanco de du kaj duono impedancoj de Planck

La impedanco de Planck estas sufiĉe forte ligita al la reala vivo, ĉar ĝi estas ligita per malgranda koeficiento kun la karakteriza impedanco de libera spaco, kiu en sia vico estas ligita per malgranda koeficiento kun karakteriza impedanco de praktike uzataj radioteknikaj kabloj. Tiel estas ofte uzataj samaksaj kabloj kun karakterizaj impedancoj 50 Ω ≈ 1,67 Z_P kaj 75 Ω ≈ 2,5 Z_P.

Vidu ankaŭ

• Unuoj de Planck
• Naturaj unuoj
• Elektra rezistanco
• Elektra impedanco
• Karakteriza impedanco
• Karakteriza impedanco de libera spaco
• Elektra tensio de Planck
• Elektra kurento de Planck

Eksteraj ligiloj

• NIST pri konstantoj kaj mezurunuoj