Enmigrado en Brazilon

La enmigrado en Brazilon rilatas kun la translokiĝo de homoj antaŭe loĝintaj en aliaj mondopartoj, plejparte en Eŭropo. Ekde kiam la portugaloj ekposedis Brazilon, ili komencis en la jaro 1500 loĝigi tie kondamnitojn. Proksimume 1550 loĝis pli malpli 30.000 portugaloj en Brazilo. Inter 1500 kaj 1650 envenis proksimume 580.000 portugaloj en Brazilon, kiujn sekvis denove proksimume 600.000 enmingrantoj dum la orimpetego en Minas-Ĝerajso de 1700 ĝis 1760.

Priskribo

En la sudo de Brazilo la klimataj kaj geologiaj kondiĉoj estis tiaj, kiaj ebligis al eŭropanoj ekloĝi tie ĉi kaj praktiki terkulturadon per la metodoj kutimaj al ili.

Post la sendependiĝo de Brazilo en 1822 la politika estraro provis disvolvi la malmulte evoluintajn, mezvarmajn zonojn precipe en la sudo per ekloĝigo de eŭropaj kamparaj familioj. Tio samtempe celis militprotekti la sudon de Brazilo kontraŭ eventuala minacado fare de Argentino.

Inter 1872 kaj 1940 proksimume 5 milionoj da eŭropanoj ekloĝis en Brazilo. Enmigris en Brazilon ekde 1800 ĝis 1950:

• portugaloj: 2 milionoj
• italoj: 1,5 milionoj
• hispanoj: 0,7 milionoj
• germanoj: 0,3 milionoj
• japanoj: 0,2 milionoj

La migrosaldo por 1.000 loĝantoj balanciĝis en 2014 je 0. Tio signifas, ke proksimume same multaj personoj enmigris kiel elmigris.

Statistiko

Enmigrado al Brazilo inter 1884-1893, 1924-1933 kaj 1945-1949 Fonto: Brazila Instituto por Geografio kaj Statistiko (IBGE)
	Jardekumoj
Nacieco	1884-1893	1894-1903	1904-1913	1914-1923	1924-1933	1945-1949	1950-1954	1955-1959
Germanoj	22.778	6.698	33.859	29.339	61.723	5.188	12.204	4.633
Hispanoj	113.116	102.142	224.672	94.779	52.405	4.092	53.357	38.819
Italoj	510.533	537.784	196.521	86.320	70.177	15.312	59.785	31.263
Japanoj	-	11.868	20.398	110.191	12	5.447	28.819
Portugaloj	170.621	155.542	384.672	201.252	233.650	26.268	123.082	96.811
Okcidentazianoj	96	7.124	45.803	20.400	20.400	N/A	N/A	N/A
Aliaj	66.524	42.820	109.222	51.493	164.586	29.552	84.851	47.599
Entute	883.668	852.110	1.006.617	503.981	717.223	80.424	338.726	247.944

Pri japanoj

Oni taksas, ke 15 % de la loĝantaro de Ooizumi, Japanio, parolas la portugalan kiel denaskan lingvon, kaj en 2007, Ooizumi havis la plej altan koncentriĝon de brazilanoj en Japanujo.

Vidu ankaŭ

• Historio de Brazilo