Erika Godó
| Erika Godó | |
|---|---|
| |
| Persona informo | |
| Naskiĝo | la 12-an de junio 1972 en Miskolc |
| Lingvoj | Esperanto, angla, itala, hispana |
| Nacieco | hungara |
| Ŝtataneco | Hungario 
|
| Alma mater | Universitato de Miskolc
|
| Okupo | |
| Okupo | esperantisto (2018–) sociologo (2009–)
|
Erika GODÓ, aŭ en kutima hungara vortordo Godó Erika (n. la 12-an de junio 1972 en Miskolc, Hungario),[1] kiu mem en siaj publikaĵoj ankaŭ uzas la plumnomon Belulino, estas hungara esperantistino, poeto, verkisto, literatura tradukisto kaj kantotekstverkisto. Ŝia novelo "La kaŝita ŝtuparo" en 2023 estis publikigita en La Ondo de Esperanto,[2] kaj ŝiaj rakontetoj "La trezorĉasistoj"[3] kaj "La brakumo"[4] en 2023 respektive somero 2024 publikiĝis en la magazino Monato. Ŝiaj poemoj ofte aperas en la retaj beletraj revuoj Penseo[5] kaj Beletra Edeno.
Ŝi estas konata ankaŭ kiel Esperanto-kantverkisto, kun kantoj, kiuj ofte temas pri la beleco de naturo kaj vivo, kaj la lingvo Esperanto mem. Ŝi kreas muzikvideojn por siaj kantoj, kiuj estas disponeblaj en Jutubo. [6]
Erika Godó diplomiĝis ĉe la fakultato de filozofiaj sciencoj ĉe la universitato de Miskolc,[7] specialiĝante pri sociologio. Ŝi eklernis Esperanton en la jaro 2018 kaj krom Esperanton kaj la denaskan hungaran, ŝi parolas la anglan, italan kaj hispanan.
Referencoj
[redakti | redakti fonton]- ↑ indiko en Facebook
- ↑ en jarkolekto 2023, numero 3, paĝo 113 de La Ondo de Esperanto (jen enhavtabelo)
- ↑ en la magazino Monato fine de 2023: reference publike eblas vidi nur la komencajn ok frazojn, la resto konsulteblas nur fare de abonantoj
- ↑ en la magazino Monato meze de 2024: reference publike same eblas vidi nur la komencajn frazojn, la resto konsulteblas nur per abonantoj (esperante)
- ↑ Kontribuoj de Erika Godó sole en la monatoj de 2024 aperis en jenaj eldonoj de la reta revuo Penseo:
- n-ro 387, januaro 2024, paĝo 3576 kaj 3577, poemo "Neĝflokoj"
- n-ro 388, februaro 2024, paĝo 3595, poemoj "La nova tagiĝo" kaj "Jaro de la drako"
- n-ro 389, marto 2024, paĝo 3611, poemo "La printempo"
- n-ro 390, aprilo 2024, paĝo 3625, poemo "Neĝborulo" kaj paĝoj 3633+3634 "La feliĉo"
- n-ro 391, majo 2024, paĝoj 1640, poemoj "Nuboj" kaj "Flavaj narcisoj"
- n-ro 392, junio 2024, paĝoj 1651-1652, poemo "Por la tago de la patrino" kaj tri pliaj
- n-ro 393, julio 2024, paĝo 1668, poemo "Ke vi ĉiam restu kiel infano" kaj "Koloraj inkoj"
- n-ro 394, aŭgusto 2024, paĝoj 1680-1681, poemo "Literoj" kaj kvar pliaj
- n-ro 395, septembro 2024, paĝoj 1692-1693, poemo "La perfekta poemo" kaj du pliaj
- n-ro 396, oktobro 2024, paĝoj 1707-1709, poemo "Varmaj someraj noktoj" kaj ses pliaj
- n-ro 397, novembro 2024, paĝoj 1720-1722, poemo "Oktobro" kaj ses pliaj
- ↑ jen fasko da muzikvideoj por siaj kantoj en la retejo Jutubo (esperante)
- ↑ same indiko en Facebook