Ervin Becker
| Ervin Becker | |
|---|---|
| Persona informo | |
| Naskiĝo | la 23-an de januaro 1899 en .svg){kind=small} Hungara reĝlando, .svg){kind=small} Aŭstrio-Hungario Selmecbánya
|
| Morto | la 25-an de aŭgusto 1987 en  Hungario Budapeŝto
|
| Lingvoj | hungara |
| Ŝtataneco | Hungario 
|
| Alma mater | Akademio de Selmec Minada kaj Arbarkultura Altlernejo
|
| Okupo | |
| Okupo | metalurgo
|
Ervin Becker [beker], laŭ la hungarlingve kutima nomordo Becker Ervin, estis hungara inĝeniero pri metalurgio.
Ervin Becker[1] naskiĝis la 23-an de januaro 1899 en Selmecbánya (Hungara reĝlando, Aŭstrio-Hungario, nuntempa Banská Štiavnica en Slovakio), li mortis la 25-an de aŭgusto 1987 en Budapeŝto.
Biografio
[redakti | redakti fonton]Ervin Becker maturiĝis en luterana liceo en sia naskiĝurbo en 1916, poste li studis en Akademio de Selmec. En 1917 kaj 1918 li estis batalanta soldato, sed foje li povis studi en la akademio. En 1919 li estis militkaptito, hejmenveninta en 1920 li ne prenis la ĉeĥoslovakian ŝtatanecon, tial li iris al restHungario, kie li finstudis la metalurgion en Minada kaj Arbarkultura Altlernejo (Sopron) en 1922. Pli poste li parte laboris en fabriko en urbo Csepel, parte ekzamenis en la altlernejo, fine en 1926 li akiris metalurgian diplomon. Li laboris plu en la fabriko, ekde 1945 li iĝis estro de la hungara aluminia industrio en Ajka (jam en 1935 li kreis fandejon por aluminio. En la fruaj 1950-aj jaroj li studvojaĝis al okcidenta Eŭropo, kiu estis tiam tre malofta. Liaj gravaj laborstacioj estis Inota, Budapeŝto kaj Mosonmagyaróvár. Intertempe li kandidatiĝis en 1964 antaŭ la Hungara Scienca Akademio, en la sekva jaro li doktoriĝis en Pezindustria Teknika Universitato. Li laboris daŭre ĝis la pensiuliĝo en 1969, dum li ricevis premiojn en 1952 kaj 1955. Li edziĝis en 1926, lia edzino naskis 3 filinojn.
Elektitaj kontribuoj
[redakti | redakti fonton]- Magyar szénfajtákkal végzett laboratóriumi retortagázítások eredményei. (kunaŭtoro, 1930)
- Az alumínium rövid metallurgiája. (1938)
- Mechanikus kádbetörés. (1950)
- Szilikoalumíniumgyártás. (studenta lernolibro, 1954)
- A magyar alumíniumgyártás 25 éve. (1960)
- Kohászati elektrotechnika. (kunaŭtoro, 1974).
