Farado (mezurunuo)

La farado (simbolo: F) estas la mezurunuo de elektrostatika kapacitanco de kondensilo laŭ la Sistemo Internacia de Unuoj. Ĝi estis nomita honore al la brita fizikisto Michael Faraday.

Unu farado estas difinita kiel la kapacitanco de kondensilo, pri kiu elektra ŝargo de unu kulombo estigas variadon je unu volto de la tensio de kondensilo.

La farado rilatas jene al la aliaj oficialaj unuoj de la Internacia Sistemo:

${\mbox{F}}=\,\mathrm {\frac {A\cdot s}{V}} ={\dfrac {\mbox{J}}{{\mbox{V}}^{2}}}={\dfrac {{\mbox{W}}\cdot {\mbox{s}}}{{\mbox{V}}^{2}}}={\dfrac {\mbox{C}}{\mbox{V}}}={\dfrac {{\mbox{C}}^{2}}{\mbox{J}}}={\dfrac {{\mbox{C}}^{2}}{{\mbox{N}}\cdot {\mbox{m}}}}={\dfrac {{\mbox{s}}^{2}\cdot {\mbox{C}}^{2}}{{\mbox{m}}^{2}\cdot {\mbox{kg}}}}={\dfrac {{\mbox{s}}^{4}\cdot {\mbox{A}}^{2}}{{\mbox{m}}^{2}\cdot {\mbox{kg}}}}={\dfrac {\mbox{s}}{\Omega }}$

Dekoblaj kaj dekonaj unuoj

Dekoblaj kaj dekonaj unuoj de farado (F) laŭ la Internacia Sistemo

Dekonaj unuoj				Dekoblaj unuoj
Valoro	Simbolo	Nomo		Valoro	Simbolo	Nomo
10–1 F	dF	decifarado		101 F	daF	dekafarado
10–2 F	cF	centifarado		102 F	hF	hektofarado
10–3 F	mF	milifarado		103 F	kF	kilofarado
10–6 F	µF	mikrofarado		106 F	MF	megafarado
10–9 F	nF	nanofarado		109 F	GF	gigafarado
10–12 F	pF	pikofarado		1012 F	TF	terafarado
10–15 F	fF	femtofarado		1015 F	PF	petafarado
10–18 F	aF	atofarado		1018 F	EF	eksafarado
10–21 F	zF	zeptofarado		1021 F	ZF	zetafarado
10–24 F	yF	joktofarado		1024 F	YF	jotafarado

Pro tio, ke la farado estas difinita kiel kunmetaĵo de aliaj bazaj mezurunuoj, ĝia grando ne estas aparte taŭga por la ĉiutaga vivo. Efektive, multe pli uzatas kelkaj dekonaj unuoj, kies nomojn eblas derivi per la oficialaj prefiksoj de SI.

Nuntempe, komerce haveblas kondensiloj kun kapacitancoj ekde 100 fF ĝis 5 kF.

Tamen, la plej oftaj kapacitancoj estas esprimitaj per mikrofaradoj (μF), nanofaradoj (nF) aŭ pikofaradoj (pF).

La mezurunuo milifarado estas malofte uzata en la reala vivo, kaj oni ĝenerale preferas skribi 4700 µF anstataŭ 4,7 mF.

La plej malgrandaj kondensiloj en nuntempaj integraj cirkvitoj havas kapacitancon de kelkaj femtofaradoj.