Farid Al-Atraŝ
| Farid Al-Atraŝ | |||||
|---|---|---|---|---|---|
| |||||
| Persona informo | |||||
| فريد الأطرش | |||||
| Naskonomo | فريد فهد فرحان إسماعيل الأطرش | ||||
| Naskiĝo | 19-an de oktobro 1917 en As-Suŭajda | ||||
| Morto | 26-an de decembro 1974 (57-jaraĝa) en Bejruto | ||||
| Mortis pro | Naturaj kialoj  vd
| ||||
| Mortis per | Kardivaskulsistema malsano vd
| ||||
| Lingvoj | araba vd | ||||
| Ŝtataneco | Sirio Egiptio vd
| ||||
| Familio | |||||
| Patro | vd | ||||
| Patrino | Alia al-Mundhir (en)  vd
| ||||
| Gefratoj | Asmahan (en) vd
| ||||
| Parencoj | Ismail al-Atrash (en) (praavo) vd
| ||||
| Profesio | |||||
| Okupo | kantaŭtoro filmproduktoro oud player (en) filmaktoro filmkomponisto aktoro vd
| ||||
| Aktiva dum | 1930–1974 vd | ||||
| Verkado | |||||
| Verkoj | Letter from an Unknown Woman vd | ||||
| |||||
| En TTT | Oficiala retejo vd | ||||
| vd | Fonto: Vikidatumoj | ||||
Farid Al-Atraŝ (arabe فريد الأطرش;) 19-an de Oktobro, 1910 - 26-an de decembro 1974) estis kantisto, komponisto, virtuoza ludisto de al-udo kaj populara aktoro egipta kaj druza. Konsiderita unu el la plej elstaraj komponistoj en araba muziko en la 20-a jarcento.
Biografio
[redakti | redakti fonton]Al-Atraŝ naskiĝis en 1910 en la vilaĝo al-Quria (القريا) en la druza montaro (tiam en la Otomana Imperio, nun en Sirio) de familio de druzoj. Meze de la 1920-aj jaroj, lia familio translokiĝis al Egiptio, kiel fuĝo de la franca okupo. Poste, la familio ricevis egiptan civitanecon. Lia patrino kantis kaj ludis al-udon, kio interesigis lin pri muziko en juna aĝo.
Al-Atraŝ komencis kanti ĉe lernejaj eventoj. Li studis ĉe la Muzika Akademio, kaj fariĝis asistanto de la fama aŭtoro Riyad Sanbati. En la 1930-aj jaroj, al-Atraŝ komencis sian profesian kantistan karieron kiam li laboris por privataj radiostacioj en Egiptio. Li poste ricevis laboron kiel muzikisto ĉe la ŝtata radiostacio kaj poste eĉ eklaboris kiel kantisto ĉe la stacio.
La muzika kariero de Al-Atraŝ daŭris kvar jardekojn kaj inkluzivis la furoraĵojn "Al-Ŝanan Maliŝ A'iriĥ" kaj "Ja Uazel Peppello". Li komponis varian elekton de kantoj kaj estis tre konsiderata kiel komponisto, kantisto kaj ludisto. Al-Atraŝ asertis, ke kvankam iuj el liaj verkoj havis okcidentan muzikan influon, li ĉiam restis fidela al la principoj de araba muziko. Kvankam la plej multaj el liaj verkoj estas romantikaj en naturo, li komponis kelkajn religiajn kaj naciismajn kantojn.
Unu el la unikaj trajtoj de Farid al-Atraŝ estis lia voĉo. Komence de sia kariero, al-Atraŝ estis dotita per alta kaj milda voĉo, kiu poste en la vivo disvolviĝis al pli vasta registro kaj pli profunda sono. Por tiuj, kiuj ne konas lian kantadon, malfacilas kredi, ke la kantisto aŭdita en la registradoj de la 1930-aj jaroj estas la sama kantisto aŭdita en siaj registraĵoj de la 1960-aj jaroj. La poezio de Al-Atraŝ estis karakterizita per pasio, kiu estis evidenta en ĝi.
Li partoprenis 31 arabajn filmojn, ĉefe muzikalojn, de 1941 ĝis sia morto en 1974. Konsiderita unu el la plej famaj kaj gravaj arabaj artistoj, kiel Abd al-Ŭahhab aŭ Umm Kulthum. Male al kelkaj el la arabaj kantistoj, li komponis kaj verkis centojn da siaj kantoj.
Al-Atraŝ suferis pro koraj problemoj en la lastaj 30 jaroj de sia vivo. En siaj lastaj jaroj li estas ekstreme maldika. La 26-an de decembro 1974, al-Atraŝ mortis pro korhalto en Bejruto kaj estis entombigita en Kairo, kune kun siaj gefratoj.
Farid al-Atraŝ neniam edziĝis. Tra la jaroj, li havis amaferojn kun Nariman Tsadek, la lasta reĝino de Egiptio, kaj kun egipta ventrodancistino Samia Gamal.