Fiŝ-vegetarismo

Japana suŝio. Multaj kulturoj estas plejparte fiŝ-vegetaranaj.

Fiŝ-vegetarismo estas maniero de homa nutrado dum kiu estas evitata manĝado de ĉiuj specoj de viando, krom fiŝo. Ĝi estas tipo de fleksitarismo. Kelkaj fiŝ-vegetaranoj estas transirantoj al vegetarismo; aliaj kredas, ke tiu dieto estas jam ideala pro diversaj motivoj.

Etika argumentado

En multaj religiaj tradicioj ĉeestas malpermeso de viando de certaj specoj (bovaĵo, porkaĵo) sen malpermeso de fiŝo. Tamen fiŝ-vegetarismo estas relative nova tradicio.

Unu el motivoj de fiŝ-vegetarismo, same kiel vegetarismo kaj veganismo, estas malpliigo de bestaj suferoj en moderna industria brutbredado. Oni supozas, ke fiŝoj kaj moluskoj ne kapablas suferi tiel, kiel pli superaj bestoj — kio mem estas pridiskutinda afero.

Krome, vidpunkte de ekologia vegetarismo, fiŝkaptado kaj fiŝbredado povas esti rigardataj kiel branĉoj malpli damaĝantaj al ĉirkaŭa medio kaj konsumantaj malpli da resursoj, se kompari kun aliaj branĉoj de bestbredado.

Vidu ankaŭ

• Vegetarismo
• Veganismo
• Fleksitarismo