Figueira de Castelo Rodrigo

Ĝemelurboj
	Wissous (1990–) vd

Figueira de Castelo Rodrigo
municipo de Portugalio • urbo de Portugalo
Flago	Blazono
Administrado
Ĝemelurboj
	Wissous (1990–) vd
Poŝtkodo	6440
En TTT	Oficiala retejo [+]
Demografio
Loĝantaro	6 260 (2011) [+]
Loĝdenso	12 loĝ./km²
Geografio
Geografia situo	40° 54′ N, 6° 58′ U (mapo)40.9-6.9666666666667 [+]
Alto	634 m [+]
Areo	508,57 km² (50 857 ha) [+]
Horzono	UTC±00:00 [+]
	Figueira de Castelo Rodrigo (Portugalio)
	Situo de Figueira de Castelo Rodrigo
Alia projekto
	Vikimedia Komunejo Figueira de Castelo Rodrigo [+]
	v • d • r

Figueira de Castelo Rodrigo estas portugala urbeto kun 1 952 loĝantoj (2021), apartenanta al la Distrikto Guarda, en la antaŭa provinco de Beira Alta, kaj nuntempe inkludita en la subregiono Beiras e Serra da Estrela de la Centra regiono.

Ĝi estas la sidejo de la municipo Figueira de Castelo Rodrigo, kun 508,58 km² de areo kaj 5 150 loĝantoj (2021), subdividita en dek fregezioj. La municipa teritorio limas norde kun Freixo de Espada à Cinta, oriente kun Hispanio, sude kun Almeida, sudokcidente kaj okcidente kun Pinhel kaj nordokcidente kun Vila Nova de Foz Côa.

Historio[redakti | redakti fonton]

La areo jam estis loĝata en Paleolitiko, epoko de kiu restis rokpentraĵoj kaj rokgravuraĵoj kiuj nun estas Monda heredaĵo de Unesko. La Arkeologia Parko de la Valo de Côa estas konsiderata unu de la plej gravaj lokoj de rokarto en la mondo kaj estas la plej grava loko kun paleolitika rokarto subĉiela.

Poste estis okupado ankaŭ en la epoko de kastrumoj (Rodo do Castelão, inter Escalhão kaj Vilar de Amargo; Santo André, en Almofala; Palumbeira, en Cinco Vilas, de Ferepoko kaj Ĥalkolitiko; Castelo en Algodres ktp.) kaj de la Romia Imperio (altaro de Casarão da Torre). Ne estas multaj restaĵoj de epoko de ĝermanoj aŭ islamanoj, sed de visigotoj ŝajnas deveni la loknomo Escarigo kaj la homnomo Rodrigo, dum de islamanoj estas ankaŭ aludoj en dokumentoj al "mouros" kaj loknomoj kiel Almofala kaj Algodres.

La areo estis konkerita de la Regno de Leono kaj la monarko Alfonso la 9-a konstruigis kastelon en Castelo Rodrigo. En 1296 la portugala reĝo Denizo la 1-a ekhavis la areon konfirmita de la Traktato de Alcañices (1297). Fernando la 1-a refaris muregojn kaj kreis foiron por helpi komercon. Sed poste sekvis dekadenca jarcento. En 1508 donis foruon D. Manuelo la 1-a, kiu ankaŭ riparis la ĉefturon. Sekvaj militoj kontraŭ najbaraj hispanoj ĝis la 17-a jarcento damaĝis la tutan areon. Tiukadre la 7a de julio 1664 okazis la Batalo de Castelo Rodrigo, kiu rezultis en granda venko de la portugaloj.

Denove sekvaj militoj dum pli ol unu jarcento damaĝis la areon, dum ĉefeco iom post iom translokiĝis el dekadenca Castelo Rodrigo al tiam fregezio Figueira, kiu en 1836 iĝis vila (urbeto) kaj ricevis la municipan ĉefurbecon. La loknomo Figueira de Castelo Rodrigo estas komprenebla kiel Figarbo de Castelo Rodrigo, omaĝe al la iama ĉefurbo. Pri figarbo aperas en la municipa blazono leono kiel simbolo de la Regno Leono ĉirkaŭita de figarbaj folioj.

La loĝantaro de la municipo atingis preskaŭ 15 000 loĝantoj fojojn en la 1950-aj jaroj, sed poste malpliiĝis pro elmigrado ĝis nunaj 5 000; tio estas, oni perdis preskaŭ du trionojn.