Flóra Sass
| Flóra Sass | |
|---|---|
| |
| Persona informo | |
| Naskiĝo | 6-an de aŭgusto 1841 en Aiud |
| Morto | 11-an de marto 1916 (74-jaraĝa) en Devon |
| Lingvoj | hungara • germana • rumana • turka • angla |
| Ŝtataneco | Unuiĝinta Reĝlando de Granda Britio kaj Irlando (1801–1922) 
|
| Familio | |
| Patro | Finian von Saas (en) 
|
| Edz(in)o | Samuel White Baker (1860–)
|
| Okupo | |
| Okupo | esploristo vojaĝisto
|
Flóra SASS [ŝaŝ], laŭ hungarlingve kutima nomordo Sass Flóra, konata post la edziniĝo Florence Baker (naskiĝis la 6-an de aŭgusto 1841 en Transilvanio en Nagyenyed (nuntempa Aiud en Rumanio), mortis la 11-an de marto 1916 en Britio en Newton Abbot) estis hungara-brita esploristo.[1]
Biografio
[redakti | redakti fonton]Flóra Sass aĝis 7, kiam dum la Hungara revolucio de 1848 la rumanoj murdis plenan loĝantaron de Nagyenyed, tamen ŝi hazarde restis viva. La orfino estis edukita en armena familio. Post falo de la revolucio kaj liberecbatalo la familio rifuĝis al la Turka Imperio. En nekonataj cirkonstancoj Flóra iĝis sklavo, sed en Vidin la baldaŭa edzo ekvidis ĝin en 1859. Li subaĉetis la gardistojn kaj ili tuj forlasis la imperion. Samuel Baker prenis ŝin al Afriko, kie li gvidis ekspedicion por trovi fonton de Nilo. En 1864 ili malkovris Albertlagon. En la sekva jaro ili vojaĝis al Britio, kie okazis oficiale la geedziĝa ceremonio kaj Sro Baker lordiĝis pro la ekspedicio en Afriko. En 1869 ili denove vojaĝis al Afriko interalie por provi ĉesigi la sklavkomercon. En 1893 ŝi vidviniĝis.
Elektitaj kontribuoj
[redakti | redakti fonton]- taglibro de Flóra Sass, partoj aperis angle (1972), hungare (1987)
Fontoj
[redakti | redakti fonton]- hungarlingva biografio
- hungarlingva biografio kun foto
- hungarlingva biografio[rompita ligilo]
- hungarlingva biografio Arkivigite je 2013-09-29 per la retarkivo Wayback Machine