Flago de Socialisma federacia respubliko Jugoslavio

Unua versio de la jugoslavaj partizanoj

La flago de la Socialisma federacia respubliko Jugoslavio konsistis el tri egalaj horizontalaj grupoj kun la tutslavaj koloroj, blua (pinto), blanka kaj ruĝa, kun flav-limigita ruĝa stelo ĉe la flago meze. La lasta jugoslava nacia flago, uzita en 1945-1992, estis adoptita dum la Dua Mondmilito kiel modifo de la flago kiu reprezentis la militan tempon de jugoslava ŝtato (uzita en 1943-1945) kaj estis uzita de la rezistado, la Partizanoj. La ŝanĝoj plejparte influis la ruĝan stelon en la centro: ĝi estis pligrandigita, ĝia formo estis ŝanĝita, kaj ĝiaj limoj estis skizitaj en flava.

Dua Mondmilito

En 1941 dum la Dua Mondmilito Jugoslavio estis invadita kaj okupita de la akspovoj, kaj la jugoslava registaro fuĝis al ekzilo en Londono. Baldaŭ la jugoslava rezistado estis formita. La partizanoj ne apogis la jugoslavan registaron en la ekzilo kaj komence uzis kelkaj malsamajn flagojn ĝis finfine tiu estis universale adoptita. La nova flago estis la jugoslava blua-blanka-ruĝa trikoloro kie ruĝa stelo okupas la centron de la blanka kampo, kaj kun la grandeco ŝanĝita al 1:2 anstataŭ 2:3. La partizanoj estis rekonitaj de la aliancanoj en novembro 1943 (Konferenco de Teherano) kaj la nomo de la jugoslava ŝtato estis ŝanĝita al Jugoslava Demokratia Federacio. La malnova flago daŭre estis uzita de la registaro-en-ekzilo (ĝis sia kunfalo kun la Partia registaro, la NKOJ en 1944), de ĝiaj diplomatiaj reprezentantoj, kaj proksime de la okcidentaj aliancanoj ĝis 1945 - dum en Jugoslavio, la versio kun la ruĝa stelo estis ĉefe en uzo.

SFR Jugoslavio

Post la milito, en 1945, la ruĝa stelflago iĝis universale oficiala. Oni donis al ĝi finan formon per pligrandigado de la stelo kaj aldonado de mallarĝa flava limo. La flago estis kutime akompanita ĉe oficialaj konstruaĵoj per la flago de la federacia respubliko kaj la flago de la Ligo de Komunistoj de Jugoslavio. Pro tio, multaj konstruaĵoj en iama Jugoslavio daŭre portas tri flagotenilojn. Pli malgranda versio de la flago funkciis kiel la civila flago dum longforma standardoversio estis hisita antaŭ la jugoslava parlamento.