Franca (urbo)
| Franca | |||
|---|---|---|---|
 | |||
| municipo de Brazilo urbego  vd
| |||
|
|
| ||
| Flago | Blazono | ||
| Administrado | |||
| Lando |  Brazilo
| ||
| Regiono | Sudorienta regiono | ||
| Subŝtato |  San-Paŭlio
| ||
| Mezoregiono | Ribeirão Preto | ||
| Mikroregiono | Franca | ||
| Fondita | 1805 | ||
| Telefonkodo | 16 | ||
| En TTT | Oficiala retejo [+] | ||
| Demografio | |||
| Loĝantaro | 358 539 (2021) [+] | ||
| Loĝdenso | 590 loĝ./km² | ||
| Geografio | |||
| Geografia situo | 20° 32′ S, 47° 24′ U (mapo)-20.538888888889-47.400833333333Koordinatoj: 20° 32′ S, 47° 24′ U (mapo) [+] | ||
| Alto | 1 040 m | ||
| Areo | 607,33 km² | ||
| Horzono | UTC-03:00 | ||
| |||
| |||
|
| |||
| Alia projekto | |||
 Vikimedia Komunejo Franca [+]
| |||
Franca (oficiale portugale Município de Franca) estas municipo en la subŝtato San-Paŭlio de Brazilo. Ĝi situas en la sudorienta regiono de Brazilo, en la mezoregiono Ribeirão Preto kaj en la mikroregiono Franca. Laŭ la stato de 2021 en la municipo vivis 358 539 loĝantoj sur areo de 607,33 kvadrataj kilometroj, kio rezultigas loĝdenson de 590 loĝantoj/km². El tiuj, la nombro de voĉdonrajtuloj en la municipo en marto 2022 estis 242 042. La teritorio havas komunan limon kun Patrocínio Paulista, Rifaina, Batatais, Claraval, Cristais Paulista, Ibiraci, Restinga, Ribeirão Corrente kaj São José da Bela Vista.
Franca estas nomata "ĉefurbo de ŝuoj" ĉar en ĝi estas unu el la ĉefaj ŝuofabrikoj de Brazilo. En ĝi ankaŭ estas la ĉefaj teamoj de basketbalo de Brazilo.
Esperanto en Franca
[redakti | redakti fonton]Salvador Rocha estis pioniro de Esperanto en Franca jam en la fino de 20-a jarcento. Li ne nur instruis Esperanton, sed ankaŭ propagandis la lingvon per la spiritisma ĵurnalo “Nova Era”, kie li aperigis plurajn kaj interesajn artikolojn pri la lingvo.
De la loka grupo “Ĝardeno Esperantista Zamenhof”, sub aŭspicio de Esperanto-Asocio de San-Paŭlo (EASP) kaj apogo de Sekretariejo pri Edukado kaj Kulturo, estis okazita la 21-a Esperanto-Renkontiĝo de Ŝtato San-Paŭlo, la 2-an, 3-an kaj 4-an de aprilo 1999, kun granda sukceso.
La temo de la renkontiĝo estis “Perspektivoj de Esperanto en la Proksima Jarmilo”. Kunordigis la eventon Symilde Schenk Ledon (komitatano A de UEA) kun partopreno de Ivon Barbosa, prezidanto de EASP, James Rezende Piton (ano de Amerika Komisiono de UEA), kaj Osvaldo Pires de Holanda, prezidanto de BEL.
La renkontiĝejo estis la impona “Colégio Champangnat”. Multe laboris por la sukceso de la evento Alzira dos Anjos, (kareseme nomata “Alzirinha”), prezidantino de Esperantista Zamenhof, kaj ŝia skipo. Elstara punkto de la renkontiĝo estis la partopreno de multaj infanoj, preskaŭ ĉiuj parolantaj Esperanton.