Francis Alexander
| Francis Alexander | |
|---|---|
| |
| Persona informo | |
| Naskiĝo | 3-an de februaro 1800 en Killingly |
| Morto | 27-an de marto 1880 (80-jaraĝa) en Florenco |
| Lingvoj | angla |
| Ŝtataneco | Usono 
|
| Familio | |
| Edz(in)o | Lucia Gray Swett (en) 
|
| Infano | Francesca Alexander (en)
|
| Okupo | |
| Okupo | pentristo artkolektanto
|
Francis ALEXANDER (3-a de februaro 1800 – 27-a de marto 1880)[1] estis usona pentristo de portretoj.
Biografio
[redakti | redakti fonton]Alexander naskiĝis en Kantono Windham, Konektikuto, en februaro 1800. Li pasigis sian junaĝon en farmo kaj memlernis la uzadon de koloroj. En 1820 li iris al Novjorko, kie li studis pentradon kun Alexander Robertson.[2]
Li pasigis la vintrojn de 1831 kaj 1832 en Romo. Poste, li loĝis dum preskaŭ jardeko en Bostono (Masaĉuseco), kie li ĝuis konsiderindan popularecon kaj kie li interalie pentris portreton de Charles Dickens (1842).[2]
En 1840, li estis elektita honora membro de la National Academy of Design. Francis Alexander mortis en 1881 en Florenco.[2]
Familio
[redakti | redakti fonton]Alexander edziĝis kun Lucia Grey Swett en 1836. Ilia filino, Francesca Alexander, estis populara desegnistino, aŭtorino kaj tradukistino.[3]
Verkoj
[redakti | redakti fonton]Unu el la plej bonaj portretoj de Alexander estas tiu de s-ino Fletcher Webster, iam ekspoziciita en la Belarta Muzeo de Bostono.[2] Ĉi tiu romantika portreto, en kiu la modelulino aperas envolvita en ermenfelo, estis forigita el la muzeo komence de la 20-a jarcento kaj redonita al la familio Sargent.
Referencoj
[redakti | redakti fonton]- ↑ National Gallery of Art 2020.
- ↑ 2,0 2,1 2,2 2,3 Chisholm 1911, p. 564.
- ↑ Radcliffe College 1971.