Géza Marton (dirigento)
Aspekto
Géza Marton | |
---|---|
Persona informo | |
Naskonomo | Marton Géza |
Naskiĝo | la 28-an de oktobro 1880 en Kótaj (Hungario) |
Morto | la 30-an de majo 1946 en Budapeŝto (Hungario) |
Ŝtataneco | Hungario |
Okupo | |
Okupo | komponisto dirigento ĥorestro |
Géza Marton, laŭ hungarlingve kutima nomordo Marton Géza estis hungara dirigento, komponisto. Lia familia nomvarianto estis Marthon.
Géza Marton [1] naskiĝis la 28-an de oktobro 1880 (laŭ alia informo la naskiĝjaro estas 1876) en Kótaj, li mortis la 30-an de majo 1946 en Budapeŝto.
Biografio
[redakti | redakti fonton]Géza Marton lernis muzikon en Vieno, poste en Muzikakademio de Budapeŝto. Li komencis sian dirigentan karieron en Kassa en 1900. Inter 1906 kaj 1918 li estis dirigento de muzika Teatro Király, sed antaŭ la 1-a mondmilito li dirigentis en teatro de Londono. Liaj sekvaj muzikteatraj stacioj estis (kie li dirigentis):
- Teatro Városi (1918–1924)
- Operetoteatro (Budapeŝto) (1924–1928)
- Teatro Belvárosi (1929–?).
Li edziĝis kaj eksedziĝis dufoje. Li komponadis precipe muzikajn teatraĵojn, operetojn, revuajn muzikaĵojn.
Elektitaj komponaĵoj
[redakti | redakti fonton]- „Ott, ahol a Dnyeszter vize zúg” (soldata marŝo)
- Petrarca szerelme (1915, muzika teatraĵo)
- Szilveszter (1920, opereto)
- Naplopó (1929, muzika teatraĵo)
- Sarajevo (1940, filmo kun muzikoj de Géza Marton kaj Szabolcs Fényes)