Gafur Gazizi

Gafur Gazizi
Persona informo
Naskiĝo	20-an de septembro 1958 (1958-09-20) (66-jaraĝa) en Baŝkira ASSR
Lingvoj	Esperanto
Ŝtataneco	Rusio
Okupo
Okupo	poeto esperantisto

Gafur Gazizi aŭ Gafur Gazizov (ruse Гафур Газизов) estas sovetia kaj ruslanda esperantisto, kiu naskiĝis la 20-an de septembro 1958 en Baŝkirio. Esperantisto ekde 1973, li laboris kiel kompresoristo en vitrouzino Salavatsteklo. Gafur Gazizi ekverkis en Esperanto ekde 1978 kiam li militservis en la Soveta Armeo laŭ instigo de Jaan Ojalo, tiam redaktoro de Amikeco. Krom Esperanto Gafur ĝuas sporadan uzadon de la hispana kaj franca lingvoj. En 1986 ĉe la eldonejo Sezonoj aperis lia originala poemaro Zigzage. Dek jarojn poste liaj poemoj estis eldonitaj en la kolektiva poemaro Kvarteto (1996). Intertempe poemoj, recenzoj kaj polemikaĵoj de Gazizi aperis en Amikeco, Ekzakte, La Ondo de Esperanto, Ruslanda Esperantisto, Sezonoj, Literatura Foiro, Fonto kaj aliloke, ankaŭ en baŝkiria gazetaro.

Poemo ekzemplera

• Lian poemon "Rura somermateno" iu pseŭdonima poeto I. R. Onies, en kies nomo videblas la vorto "ironio" moke kaj iusence ĉarme rime komentis en la retejo esperanto.mv.ru

Recenzo

	„ Gafur Gazizi tre lirikece uzas pli tradiciajn poemformojn, kaj estas lerta uzanto de fortaj rimoj... Li forte sentigas la kamparon, ekzemple personigante arbojn k.t.p., kaj ja apartan kamparon, en kiu li (supozeble) pasigas la vivon. ” — William Auld

Eksteraj ligiloj

• Kunlaborantoj de Sezonoj kaj La Ondo de Esperanto Arkivigite je 2009-09-17 per la retarkivo Wayback Machine esperante tekstoj de Gazizi