Gilbert de Clare (1-a grafo de Pembroke)
| Gilbert de Clare | ||
|---|---|---|
| ||
| Persona informo | ||
| Naskiĝo | ĉirkaŭ 1100 en Tonbridge | |
| Morto | 6-an de januaro 1148 | |
| Ŝtataneco | Reĝlando Anglio  vd
| |
| Familio | ||
| Patro | Gilbert Fitz Richard (en)  vd
| |
| Patrino | Alice de Clermont (en) vd
| |
| Gefratoj | Rohese de Clare, Richard Fitz Gilbert de Clare (en) kaj Baldwin of Clare (en) vd
| |
| Edz(in)o | Isabel de Beaumont (en) vd
| |
| Infanoj | Richard de Clare, Basilea de Clare (en) vd
| |
| Profesio | ||
| Okupo | militisto vd
| |
| vd | Fonto: Vikidatumoj | |
Gilbert de Clare (n. ĉirkaŭ 1100, m. la 6-an de januaro 1148) estis la unua grafo de Pembrokeshire, Kimrio.
Vivo
[redakti | redakti fonton]Li estis filo de Gilbert FitzRichard (grafo de Clare) kaj Alica (aŭ Adeliza) de Claremont. De siaj onkloj Roĝero kaj Valtero li heredis bienojn en Normandio kaj Kimrio. En 1138 reĝo Stefano (Anglio) donis al li la titolon grafo de Pembroke; li ricevis ankaŭ Kastelon Pevensey, Sussex, kie li kutimis loĝi en ĉambro super la halego de kie eblis trarigardi la tutan ĉirkaŭan regionon.
Post Stefano malvenkis ĉe Lincoln en 1141, Gilbert de Clare aliĝis al Matilda kiam tiu regajnis Londonon, sed malfrue de 1141 li ĉeestis la kronadon de Stefano ĉe Canterbury, Kent. Li partoprenis komploton kontraŭ Stefano estrata de Gotfredo la 5-a (Anĵuo) (edzo de Matilda), sed, post kiam tio malsukcesis, li reamikiĝis al la reĝo kaj subtenis lin dum lia 1142-a sieĝo de Oksfordo.
En 1147 li ribelis kontraŭ Stefano ĉar tiu rifuzis doni al li kastelojn ceditajn de lia nevo Gilbert (2-a grafo de Hertford). Tuj Stefano marŝis kontraŭ li kaj li nur malfacile eskapis. Ŝajne li reamikiĝis al Stefano antaŭ sia morto la sekvantan jaron.
Edzino kaj idoj
[redakti | redakti fonton]Ĉirkaŭ 1130 Gilbert edziĝis al Isabel de Beaumont (ĉ. 1002 - ĉirkaŭ 1172), kiu estis filino de Robert de Beaumont (1-a grafo de Leicester) kaj antaŭa amatino de Henriko la 1-a (Anglio). Ili havis kvar idojn:
- Agnes (n. 1112)
- Baldueno (n. 1114)
- Basilia (n. 1116)
- Richard de Clare (2-a grafo de Pembroke) (1130 - 1176), ofte konata kiel Strongbow (Fortarko).