Gland VD
|
- La mallongigo VD en Gland VD staras por la svisa Kantono Vaŭdo. Por aliaj signifoj de la nomo vidu sub Gland. |
| Gland | |
|---|---|
 | |
 | |
| komunumo en Svislando • urbo en Svislando | |
| Kantono | Vaŭdo |
| Distrikto | Nyon |
| Koordinatoj | 46° 25′ 24″ N 6° 15′ 55″ O / 46.42333 °N, 6.26528 °O (mapo)Koordinatoj: 46° 25′ 24″ N 6° 15′ 55″ O / 46.42333 °N, 6.26528 °O (mapo) |
|
| |
| Nombro de loĝantoj | 13 258 (2020) |
| Areo | 8,3 km² |
| Alteco | 432 m super marnivelo |
| Poŝtkodo | 1196 |
| Komunumkodo | 5721 |
 | |
Gland estas urbo kaj komunumo de la Distrikto Nyon ĉe la bordo de lago Lemano en Kantono Vaŭdo. Ĝi havis 10 648 loĝantojn je la 31-a de decembro 2006. La urbo estas pro sia situo kaj favoraj impostkondiĉoj tre alloga kiel loĝloko precipe por monhavaj personecoj. En Gland ekzemple loĝas la aŭtomobil-ĉampiono Michael Schumacher.
En Gland estas la sidejoj de internaciaj organizoj WWF ( Monda Natur-Fonduso) kaj Internacia Unio por la Konservo de Naturo. La urbo ankaŭ gastigas la sekretariejon de la Ramsar-Interkonsento.
Geografio
[redakti | redakti fonton]Gland situas je alteco de 432 m super la marnivelo. Ĝi troviĝas en distanco de 5 km nord-oriente de la distrikta ĉefkomunumo Nyon. La komunumo etendiĝas laŭlonge de la suda flanko de la Ĵuraso ĉe la vaŭda bordo de la Lemano.
La najbaraj komunumoj estas Prangins, Vich, Luins kaj Dully.
Trafiko
[redakti | redakti fonton]Gland estas trafike bonege atingebla. Unuflanke ĝi troviĝas sur la trajnlinio de Laŭzano al Ĝenevo, kaj aliflanke estas ligita kun la svisa aŭtoŝoseo A1.
Historio
[redakti | redakti fonton]La setlado de la urba tereno havas longan historion. Arkeologoj trovis en la urboparto La Lignière tombojn el la epoko de La-Tène-kulturo. Estis ankaŭ trovita vilao el la romia epoko. Unua dokumenta mencio okazis en la jaro 994 sub la nomo Villa Glannis. Per la konkero de Vaŭdo fare de Berno la komunumo estis subigita al la voktdistrikto Nyon. Dum la tempo de la Helveta Respubliko la komunumo apartenis la tiama Kantono Lemano, kiu poste integriĝis al la Kantono Vaŭdo.
Famuloj ligitaj al la urbo
[redakti | redakti fonton]- Oscar Wilde, irlanda dramverkisto, loĝis en Gland en 1899.
- Karolo la 1-a, la lasta imperiestro de Aŭstrio-Hungario, loĝis en Gland en 1920.
- Michael Schumacher, germana aŭtosportisto, estis sepfoja Formulo 1 mondĉampiono kaj loĝas en Gland.
Esperanto-movado
[redakti | redakti fonton]
En Gland vivis ĝis sia morto la 22-an de januaro 2008 la elstara Esperanto-verkisto Claude Piron.
Vidu ankaŭ
[redakti | redakti fonton]Eksteraj ligiloj
[redakti | redakti fonton]
| ||||||
