Gyula Csepregi

Gyula Csepregi
Persona informo
Naskiĝo	28-an de septembro 1958; en Miskolc
Morto	17-an de novembro 2014 (56-jaraĝa); en Miskolc
Ŝtataneco	Hungario
Okupo
Okupo	muzikisto
TTT
Retejo	http://www.csepregigyula.hu
	v • d • r

Gyula Csepregi [djula ĉepregi], laŭ hungarlingve kutima nomordo Csepregi Gyula estis hungara ĵaz muzikisto, saksofonisto, altlerneja instruisto.

Gyula Csepregi^[1] naskiĝis la 28-an de septembro 1958 en Miskolc, li mortis la 17-an de novembro 2014 en Miskolc.

Biografio

Gyula Csepregi konatiĝis kun la bekfluto en aĝo 4, post jaroj kun la fluto. Li frekventis gimnazion en sia naskiĝurbo, ekde 1980 li studis en konservatorio en Budapeŝto. En la sekva jaro li jam estis solisto en muzikgrupo de Gyula Kovács (drumisto), poste li muzikadis kune kun kremo de hungaraj ĵazmuzikistoj (Imre Kőszegi, Gyula Babos, Béla Szakcsi Lakatos, Aladár Pege). Pli malofte li saksofonadis en koncertoj de ŝlagromuzikistoj aŭ en registrado de ŝlagroj en studioj. En 1988 li aliĝis al distra orkestro de Hungara Radio, sed li havis tempon muzikadi kun eksterlandanoj (ekzemple Dave Samuels). En 2008 li fondis duopon kun Róbert Rátonyi (pianisto). Li ricevis hungarajn kaj eksterlandajn premiojn. Li instruis preskaŭ 2 jardekojn en Muzikarta Universitato Ferenc Liszt.