Hölstein

Hölstein
	Blazono de Hölstein
	Hoelstein - vilaĝeniro venante de Diegten
komunumo en Svislando
Kantono	Bazelo Kampara
Distrikto	Waldenburg
Koordinatoj	47° 26′ 0″ N 7° 46′ 0″ O / 47.43333 °N, 7.76667 °O (mapo)Koordinatoj: 47° 26′ 0″ N 7° 46′ 0″ O / 47.43333 °N, 7.76667 °O (mapo)
Nombro de loĝantoj	2333
Areo	6,02 km²
Alteco	422 m super marnivelo
Poŝtkodo	4434
Komunumkodo	2886
	Mapo de Hölstein
	v • d • r

Por samtitolaj artikoloj vidu la paĝojn Hölstein (stacidomo), Hölstein Süd (stacidomo) kaj Hölstein Weidbächli (stacidomo).

Hölstein estas komunumo en la distrikto Waldenburg en Kantono Bazelo Kampara, Svislando. Ĝi havis 2333 loĝantojn je la 31-a de decembro 2008.

Geografio

Hölstein situas en la Frenke- aŭ Waldenburgertal meze inter la kantonĉefurbo Liestal kaj la distriktĉefurbeto Waldenburg. Tra la komunumo fluas la rivero Antaŭa Frenke, kiu en Bubendorf kun Malantaŭa Frenke kuniĝas al Frenke.

Najbaraj komunumoj

Hölstein limas al Bennwil, Bubendorf, Diegten, Lampenberg, Niederdorf, Ramlinsburg, Tenniken kaj Zunzgen.

Trafiko

La komunumo situas ĉe la linio de la Waldenburgerbahn, trama etŝpurfervojo de Liestal al Waldenburg, kiu ligas la vilaĝon trafike bone kun la kantonĉefurbo.

En kelkminuta veturdistanco en Dietgen troviĝas la plej proksima alveturo al la nacia aŭtoŝoseo A2.

Historio

La unua dokumenta mencio de Hölstein datiĝas el la jaro 1101 kiel Hulestein.

Hölstein regule fariĝis viktimo de grandaj inundoj, nome en la jaroj 1629, 1830, 1924 kaj 1926.

En la regiono Stutz estis malkovritaj restaĵoj el la neolitiko kaj en Hinterbohl mozaiko el la romia epoko.

Ekde la 10-a jarcento la Monaĥejo Payerne posedis en Höstein monaĥejan bienon, kiu servis kiel gastejo. Ekde la 12-a jarcento ankaŭ la bazela Monaĥejo Sankt-Alban disponis pri posedaĵoj en la vilaĝo. En la 13-a jarcento la Monaĥejo Payerne transdonis sian bienojn al la Grafoj de Eptingen kiel servuto. Dum la bieno en la jaro 1370 fariĝis posedaĵoj de Herrmann von Wildenstein kaj Günther von Eptingen, la vilaĝon akiris la bazela familio Rot, kio kaŭzis multjaran kverelon inter la du familioj, en kiu finvenkis en la jaro 1383 la familio Eptingen. En la 2-a duono de la 15-a jarcento vilaĝo kaj bieno, kiuj intertempe kunkreskis, fariĝis bazela posedaĵo kaj parto de la distrikto Waldenburg. En la jaro 1832 Hölstein aliĝis al la movado por la liberigo de la urbo Bazelo kaj aliĝis en la jaro 1833 al la nove fondita Kantono Bazelo Kampara en ties distrikto Waldenburg.