Handikapula naĝado
| Handikapula naĝado | |
|---|---|
.svg)
| |
 | |
| naĝado • handikapula sporto • Paraolimpika sporto | |
| Fakoj | |
| Kulminaj konkursoj | |
| Internacia federacio | |
| Rilataj paĝoj | |
| Kategorio:Sporto | |
Naĝado en la Paralimpikoj aŭ Adaptita naĝado estas sporto praktikata de atletoj kun fizikaj, vidaj kaj intelektaj handikapoj. Paralimpika naĝado estas konkurita ne nur ĉe la Someraj Paralimpikaj Ludoj, sed en sportaj konkursoj por handikapuloj tra la mondo. La sporto estas reguligita de la Internacia Paralimpika Komitato [1].
La reguloj de la sporto estas adaptitaj de la reguloj establitaj fare de la Internacia Federacio de Naĝado (FINA). La plej signifaj diferencoj rilatas al la starta pozicio kaj tiuj rilataj al naĝantoj kun vidaj difektoj. Estas tri ĉefaj klasifikgrupoj: S1-S10 por naĝantoj kun fizikaj handikapoj; S11-S13 por vidhandikapaj naĝantoj; kaj S14 por naĝantoj kun lernkapabloj. La eventoj estas esence la samaj kiel en konvencia naĝado: 50, 100 kaj 400 metroj, en liberstilo, brustnaĝo, dorso kaj papilio, kun kombinstilaj eventoj, en individuaj kaj stafetkuradoj, apartaj por virinoj kaj viroj.
Historio
[redakti | redakti fonton]Naĝkonkuradoj estis okazigitaj kiel parto de la Paralimpikaj Ludoj ekde sia komenco ĉe la Paralimpiko en Romo (1960), kiel unu el ok disciplinoj kiuj okazis ĉe la Ludoj. Viroj kaj virinoj, klasifikitaj laŭ sia grado de handikapo, konkuras en la naĝadaj kategorioj akceptitaj en naĝkonkursoj por neinvalidaj naĝantoj [2].
En la Paralimpikaj Ludoj, la atletoj konkuras en olimpika naĝejo, kiu longas 50 metrojn, sed pro la diferenco en la fizikoj de la naĝantoj, kelkaj el ili komencas naĝi en la naĝejo, dum aliaj saltas en la akvon je la komenco de la konkurso. Blindaj naĝantoj estas helpitaj de asistanto, kiu tuŝas ilin per speciala bastono por signali al ili, ke ili alproksimiĝas al la rando de la naĝejo.
Klasifiko
[redakti | redakti fonton]Por certigi, ke la konkurso estu justa kaj egala, por ĉiuj paralimpikaj sportoj ekzistas klasifika sistemo de la grado de handikapo en malsamajn kategoriojn, tiel ke ĉiu atleto konkuros kontraŭ konkursantoj kun restriktoj similaj al la sia [3].
En la naĝkonkursoj, la kategorioj estas dividitaj per litero kaj nombro.
- S - markas la dorso, papilio kaj liberaj stiloj
- SB - Brusta stilo
- SM - miksita stilo
en la kategorio numera sistemo,
- 1-10 - kategorioj destinitaj por naĝantoj kun fizikaj handikapoj. Ju pli alta estas la grado de la handikapo de la atleto, des pli li kategoriiĝos en kategorion kun pli malalta nombro.
- 11-13 - kategorioj destinitaj por naĝantoj kun vidhandikapiteco, kie en kategorio 11 estas metitaj naĝantoj kiuj estas blindaj, aŭ proksimaj al kompleta blindeco, dum en kategorio 13 atletoj kun minimuma vidhandikapiteco estas klasifikitaj.
- 14 - Kategorio destinita por intelekte handikapitaj naĝantoj.
Ĉar la brustnaĝo postulas pli da uzado de la gamboj, naĝanto kun limigitaj gamboj povas esti klasifikita en malsamaj nombraj kategorioj en la S-kategoria batoj komparite kun la SB- kaj SM-kategoria okazaĵoj.
Referencoj
[redakti | redakti fonton]- ↑ Swimming - About the sport. Internacia Paralimpika Komitato (2008). Alirita 2008-09-14.
- ↑ U.S. Paralympics. Alirita 12 April 2019.
- ↑ A-Z of Paralympic classification. BBC (2008-08-28). Alirita 2010-01-03.
Eksteraj ligiloj
[redakti | redakti fonton]- Monda Para Naĝado en la retejo de la Internacia Paralimpika Komitato
- Metodo de divido en kategoriojn en la retejo de la Internacia Paralimpika Komitato