Haxo (pariza metrostacio)

Haxo
Haxo
fantoma metrostacio • metrostacio • subtera stacio
Lokigo
Lando	Francio
Urbo	Parizo
Arondismento	19-a
Geografia situo	48° 52′ 43″ N, 2° 24′ 6″ O (mapo)48.87872.40164
Haxo (Parizo) DEC Haxo Situo sur mapo de Parizo
Ecoj
Trakoj	1
Kajoj	1
Tarifa zono	1
Historio
Konstruado	1921
Malfermo	Neniam malfermita
Administrado kaj utiligado
Proprietulo	RATP
Trafikanto	RATP

Haxo estas fantoma metrostacio situanto sub Bulvardo Sérurier, en la 19-a arondismento de Parizo, sur interkonekta vojo inter linioj 3bis, en stacio Porte des Lilas, kaj 7bis, en stacio Place des Fêtes.

Situo de la stacio

Stacio

Historio

Mapo de konstruo de tuneloj: nigre, tiu de linio 7bis kaj stacio Pré-Saint-Gervais, ruĝe naveda vojo kaj Voie des Fêtes, kun stacio Haxo, tiam nomita Porte du Pré-Saint-Gervais

Stacioj Porte des Lilas (linioj 3bis kaj 11) kaj Pré-Saint-Gervais (linio 7bis) devus esti interkonektitaj en la 1920-aj jaroj. Se la municipo, proprietulo de la reto subtenis la ideon traveturigi vagonarojn de linio 3 al linio 7 (tiam ne ekzistis linioj « bis »), la trafikanto, Compagnie du chemin de fer métropolitain de Paris (CMP), malsamopiniis kaj antaŭvidis nur malfacilaĵojn kaj tro malaltajn enspezojn.

Tamen, tuneloj kaj vojoj estis konstruitaj. Ununura vojo, nomita voie des Fêtes, konektas Place des Fêtes al Porte des Lilas kaj inter ambaŭ intervala stacio estis konstruita: Haxo. Por ebligi revenan iradon, dua vojo estis borita senpere konektante Porte des Lilas al Pré-Saint-Gervais sen intervala stacio, nomita naveda vojo. Sed finfine estis decidite ne enkonduki navedan servon inter la stacioj de ambaŭ linioj (kiu ne uzas la voie des Fêtes), la navedo estante malfavorata de vojaĝantoj. Stacio Haxo neniam akceptis vojaĝanton, eksteraj alirejoj eĉ neniam estis konstruitaj.

La stacio estas nepra vidindaĵo dum noktaj traveturoj de metro-ŝatantoj organizitaj de Asocio ADEMAS (alireblaj al ĉiuj dum Eŭropaj tagoj de kultura heredaĵo).

En 1993, la stacio utilis por prezenti novan materialon MF 88 al la gazetaro, pro kio estas tabulo « 1993 » kiu videblas en iuj fotoj, ankoraŭ videbla en 2006.

• 
  Superrigardo
• 
  Tabulo « 1993 » ankoraŭ videbla en 2006
• 
  Neniu alirejo
• 
  Vandalado

Sur iuj mapoj de la metroo, tiu stacio estas nomita Porte du Pré-Saint-Gervais, same kiel la nuna Pré-Saint-Gervais de kiu ĝi distancas de centkelk metroj.

Estonteco

Mapo de du kunfanditaj linioj

Pli detalaj informoj troveblas en artikolo Kunfandiĝo de linioj bis de la metroo de Parizo.

Kunfandiĝo de linioj 3bis kaj 7bis estas antaŭvidita utiligante vojojn navette kaj des Fêtes por formi novan linion de Château-Landon al Gambetta. Haxo povus tiam malfermiĝi post fosado de alirejo al stacio elde publika stratvojo.

Dume, aldona ripara remizo, necesigita de la malforta fidindeco de MF 88, baras la navedan vojon sur la flanko Pré-Saint-Gervais. Krom transloki tiun remizon en la returnan buklon de linio 3bis, nord-okcidente de stacio Porte des Lilas, kiu ne plu utilus en la kadro de tiu kunfandiĝo, anstataŭigo de vagonaroj MF 88 per vagonaroj MF 67, liberigitaj de la alveno de vagonaroj MF 01 sur aliajn liniojn, do estas pra-rekvizito.

Vidu ankaŭ

• Listo de metrostacioj de Parizo
• Fantomaj stacioj de la metroo de Parizo
• Kunfandiĝo de linioj bis de la metroo de Parizo

Fonto

En tiu ĉi artikolo estas uzita traduko de teksto el la artikolo Haxo (métro de Paris) en la franca Vikipedio.