Henfstädt
| Henfstädt | |||||||
| |||||||
| |||||||
|---|---|---|---|---|---|---|---|
| neurba komunumo de Germanio | |||||||
| Administrado | |||||||
| Federacia lando | Turingio | ||||||
| Distrikto | Distrikto Hildburghausen | ||||||
| Komunumaro | Verwaltungsgemeinschaft Feldstein | ||||||
| Urborajtoj | – | ||||||
| Telefona antaŭkodo | 036873 | ||||||
| Poŝtkodo | 98660 | ||||||
| Aŭtomobila kodo | HBN | ||||||
| Oficiala Municipokodo | 16069021 | ||||||
| Politiko | |||||||
| Komunumestro | Simone Langner-Schneider | ||||||
| Partio de komunumestro | Nepartia | ||||||
| Adreso de la administrejo | Mittlere Dorfstr. 3 | ||||||
| Demografio | |||||||
| Loĝantaro | 351 (stato 2022-12-31) [fonto: landa statistika oficejo] | ||||||
| Geografio | |||||||
| Geografia situo | 50° 31′ N, 10° 35′ O (mapo)50.51666666666710.583055555556Koordinatoj: 50° 31′ N, 10° 35′ O (mapo) | ||||||
| Alto super la marnivelo | 330 m | ||||||
| Areo | 8,10 km² | ||||||
| Oficiala retejo | https://www.verwaltungsgemeinschaft-feldstein.de/verzeichnis/objekt.php?mandat=99459 | ||||||
Henfstädt estas komunumo en Germanio. Ĝi troviĝas en la distrikto Hildburghausen de la federacia lando Turingio, kaj krome estas parto de komunumaro, do grupiĝo de pluraj najbaraj komunumoj por komuna plenumo de iuj administraj servoj, nomata Verwaltungsgemeinschaft Feldstein. Fine de la jaro 2022 la komunumo havis 351 loĝantojn.
Historio
[redakti | redakti fonton]Ŝatata eksursocelo estas Henfstädt fare de biciklistoj veturiĝantaj sur la Werratal-cikladovojo. La unua endokumenta mencio estis jam en 914. La sekvintajn jarcentojn regis lokaj dinastietoj. Ĉefe tri bienoj kavaliraj respektive nobelaj ekzistas ankoraŭ nun.
Vidindaĵoj
[redakti | redakti fonton]Vizitindas la Malantaŭa kastelo (Vorderes Schloß; Obernitzisches Gut), renesancstila konstruaĵo kun framskeletaj superaj etaĝoj kaj antaŭanta ŝtupara turo (hodiaŭ loĝejo). La Meza bieno (Mittleres Gut), la iama bieno de la sinjoroj, estas feriejo hodiaŭ. Finfine oni havas la Malantaŭan kastelon (Hinteres Schloß; Zufraßisches Gut) de 1595, la plej kaduka el ĉiuj.
Tre belas la protestantisma Paroĥuja kirko kun impona galerio kaj epitafoj de la familioj Zufraß kaj von Hanstein el la jarcentoj 16-a ĝis 18-a. La kirko situas rekte ĉe la cikladovojo Werratal-Radweg. Rekte kontraŭ la preĝejo estas plurarka Ŝtona ponto trans la Werra-rivero sur kiu kondukas ankaŭ la menciita ciklovojo en la direkto de Leutersdorf kaj Meiningen.
En la ĉirkaŭaĵo de Henfstädt estas multaj belaj aferoj por migrantoj. Tre rekomendatas grimpado sur Steinerner Berg je alteco de 497 metroj. Tie troviĝas la ruina Ottilio-kapelo (ĝi simple nomatas ofte Ŝtona kirko). Ĝi samtempe estas belvidejo; por geologiaj spertuloj tuj okulfrapas la gigantaj bazaltaĵoj tieaj. Belega migradoparadizo estas ankaŭ la proksima Wachen-valo kun multaj juniperaj arbustoj. Proksimas ankaŭ la ruino de Kastelo Osterburg ĉe Hain kun belfrido el la 13-a jarcento. La tuta komplekso iam servis la protektadon de la Werra-komercvojo.
| ||||||
