Herbert Kickl

Herbert KICKL (naskiĝinta la 19-an de oktobro 1968 en Villach) estas aŭstra politikisto de Libereca Partio de Aŭstrujo (FPÖ).

Post trapaso de la abiturienta ekzameno ĉe gimnazio de Spittal an der Drau en 1987 li soldatis ĉe ĝis 1988. Studis li ĉe la universitato de Vieno de 1988 publicistikon kaj politiksciencojn kaj en 1989 filozofion kaj historion. Inter 1995 kaj 2001 li kunlaboris ĉe la partilernejo Freiheitliche Akademie kun fokuso pri planado de plibonigita balot-kampanjado kaj fariĝis samloke en 2001 vica afergvidanto, en 2002 (ĝis 2006) ĉefo. Inter aprilo 2005 kaj decembro 2017 li afergvidantis ĉe la gazeto "Neue Freie Zeitung": samperiode li estis partia ĝenerala sekretatio. Prezidantis li ĉe la klerigejo Freiheitliches Bildungsinstitut inter 2016 kaj septembro 2021. De junio 2021 li estas federacia partiestro de FPÖ.

Li ekparlamentanis ĉe Nacia Konsilio en oktobro 2006, ĝis decembro 2017. Sekve li estiĝis ministro pri internaj aferoj (ĝis majo 2019). Poste li denove iĝis simpla deputito. De oktobro 2019 li gvidis la parlamentan klubon de FPÖ (vice jam inter 2006 kaj 2017). Post la abdiko de Karl Nehammer, li estis komisiita en la 6.1.2025 pri kunmeto de nova federacia registaro.^[1]