Herbert Moore Scott
| Herbert Moore Scott | |
|---|---|
| Persona informo | |
| Naskiĝo | 19-an de aŭgusto 1884 |
| Morto | 20-an de januaro 1935 (50-jaraĝa) |
| Lingvoj | Esperanto |
| Ŝtataneco | Usono 
|
| Okupo | |
| Okupo | esperantisto
|
| Verkoj | Filatela Terminaro |
Herbert Moore SCOTT (skot) (naskiĝis la 19-an de aŭgusto 1884 en Moundsville, Okcidenta Virginio; mortis samloke akcidente la 20-a de januaro 1935[1]) estis usona advokato (ĝis 1926 muzikinstruisto) kaj membro de la Lingva Komitato.
Scott estis Esperantisto ekde 1906, konsilanto ĉe la fondiĝo de EANA en 1908 kaj diversajn fojojn ekzamenestro. Li kunlaboris al La Revuo (de 1908 ĝis 1914) kaj al The Esperanto Monthly. Li estis kunlaborinto aŭ kunredaktinto de Amerika Esperantisto post 1907. En 1928 li eldonis Filatelan Terminaron (Esperanto, angla, franca, germana). En la 1930-aj jaroj li verkadis Praktikan Konkordancon de Klasika Esperanto ampleksanta ĉiujn verkojn de Zamenhof kaj Kabe kaj ĉirkaŭ 60 aliajn ĉefverkojn.
Li mortis akcidente dronante hejme en sia bankuvo.
Verkoj
[redakti | redakti fonton]- 1928: Filatela Terminaro (Esperanto, angla, franca, germana).
Eksteraj ligiloj
[redakti | redakti fonton]- Foto kaj priskribo de la Filatela Terminaro.
Referencoj
[redakti | redakti fonton]
