Hersberg

Hersberg
Blazono de Hersberg
komunumo en Svislando
Kantono	Bazelo Kampara
Distrikto	Liestal
Koordinatoj	47° 29′ 32″ N 7° 47′ 0″ O (mapo)
Nombro de loĝantoj	307
Areo	1,67 km²
Alteco	512 m super marnivelo
Poŝtkodo	4423
Komunumkodo	2827
Mapo de Hersberg

Pri la komunumo

Hersberg estas komunumo en la distrikto Liestal en Kantono Bazelo Kampara, Svislando. Ĝi havis 307 loĝantojn je la 31-a de decembro 2008.

Geografio

Hersberg situas sur monteto de la Ĵurasa Montaro oriente de la kantonĉefurbo Liestal.

Najbaraj komunumoj

La komunumo Hersberg limas en nordokcidento al Arisdorf, en nordoriento al Magden (Kantono Argovio), en sudoriento al Nusshof, en sudo al Sissach kaj Lausen, kaj en sudokcidento al Liestal.

Trafiko

Hersberg estas konektita per poŝtaŭtolinio al Pratteln kaj Liestal kun la publika trafikreto.

En la valo la komunumo disponas pri aliro al la nacia aŭtoŝoseo A2 de Bazelo al Tiĉino. Sur la teritorio de la komunumo situas la norda portalo de la Belchentunelo, per kiu la aŭtoŝoseo pasas la Ĵurason.

Historio

La unua dokumenta mencio de Hersberg datiĝas el la jaro 1226 kiel Herisperch.

Ek de 1380 la supera jurisdikcio pri Hersberg apartenis al la Grafoj de Thierstein, dum la bienojn kaj la senjorecon posedis la Monaĥejo Olsberg, fakto pri kio atestas la tiel nomita Olsbergerhof, kiu estas la plej malnova konstruaĵo en Hersberg. En la jaro 1461 la urbo Bazelo akiris la senjorujon Thierstein-Farnsburg kaj per tio la vilaĝon Thierstein. Tio provokis multjaran konflikton inter la urbo Bazelo kaj la Monaĥejo Olsberg, kiu povis estis solvita nur per kontrakto el la jaro 1664 atribuanta al Bazelo ĉiujn rajtojn pri Hersberg. Dum la 30-jara Milito la vilaĝo Hersberg estis rabita de hispanaj trupoj kaj poste fariĝis viktimo de la pesto.

Eksteraj ligiloj

• Oficiala retejo de la komunumo Hersberg
• Hersberg en la Historia Leksikono de Svislando