Hospitalo Al-Ŝifa
| Hospitalo Al-Ŝifa | ||
|---|---|---|
malsanulejo 
| ||
| Komenco | 1946 vd | |
| Geografia situo | 31° 31′ 27″ N, 34° 26′ 39″ O (mapo)31.52416666666734.444166666667Koordinatoj: 31° 31′ 27″ N, 34° 26′ 39″ O (mapo) | |
| Lando(j) | Palestino • Israele okupataj teritorioj vd | |
| Sidejo | Gaza-urbo Palestino
| |
| Situo | Gaza-urbo | |
| ||
 Hospitalo Al-Ŝifa | ||
La hospitalo Al-Ŝifa (ankaŭ hospitalo Dar Al-Ŝifa; arabe مستشفى الشفاء, latinliterigite Mustašfā š-Šifāʾ) estas la plej granda medicina komplekso kaj la centra hospitalo en la Gazaa Sektoro kaj situas en la distrikto Rimal de Gaza-urbo.
La nomo Dar Al-Ŝifa tradukiĝas al "Kuracejo" aŭ "Domo de Resanigo". Origine kazerno de la brita armeo, la konstruaĵo estis konvertita en centron por la terapio de kvarantenaj kaj febraj malsanoj, do esence severaj infektaj malsanoj en 1946 fare de la registaro de la brita mandata teritorio de Palestino. Dum la Araba-Israela Milito en 1948, Al-Shifa estis unu el du hospitaloj en Gazao, la alia estante la al-Ahli-Arab-hospitalo.
Laŭ la Israelaj Defendaj Fortoj, la komandejo de la paramilitista, gerile batalanta islamisma palestina movado Hamaso estas loĝigita sub la konstruaĵo,[1] en la tunelsistemo en la Gazaa Sektoro.[2]
Vidregistraĵoj publikigitaj en novembro 2023 montras, ke la hospitalo estas tute troŝarĝita pro la Israel-hamasa milito de 2023.[3] Ĝi ankaŭ fariĝis rifuĝejo por miloj da delokitaj homoj.
Referencoj
[redakti | redakti fonton]- ↑ Artikolo Israeli military says hamas using Gaza’s biggest hospital as command center (la Israela militistaro diras, ke Hamaso uzas la plej grandan hospitalon de Gazao kiel komandan centron", en la retejo de la usona gazeto Wall Street Journal, angle, laste aktualigita la 30-an de oktobro 2023
- ↑ La fenomeno ke la paramilitismaj fortoj de Hamaso strategie serĉas proksimecon al hospitaloj, moskeoj kaj lernejoj ne novas, jen artikolo Why Hamas stores its weapons inside hospitals, mosques and schools (Kial Hamas stokas siajn armilojn ene de hospitaloj, moskeoj kaj lernejoj), de la 31-a julio 2014, en la usona gazeto Washington Post (angle)
- ↑ Artikolo Der Krieg in Gaza aus Sicht israelischer Truppen (La milito en Gazao de la perspektivo de israelaj trupoj) el la germania magazino Der Spiegel (germane)
Vidu ankaŭ
[redakti | redakti fonton]- Hamaso
- Israel-hamasa milito de 2023
- tunelsistemo en la Gazaa Sektoro
- Filadelfi-koridoro inter Egiptio kaj la Gazaa Sektoro
Retaj ligiloj
[redakti | redakti fonton]- Ruth Michaelson: Gaza-City: Krankenhäuser werden zum Friedhof (Gaza-urbo: Hospitaloj fariĝas tombejoj), de la socialliberalisma gazeto Der Freitag de Germanio, la 18-an de oktobro 2023 (germane)
- What is a human shield and how has Hamas been accused of using them? (Kio estas homa ŝildo kaj kiel oni akuzis Hamas uzi ilin?) de la gazeto The Guardian de Britio, la 30-an de oktobro 2023 (angle)
- Artikoletoj Miles de refugiados huyen del hospital Al-Shifa tras ataques israelíes (Amasoj da rifuĝintoj fuĝis al la hospitalo Al-Ŝifa pro israelaj atakoj), sistema de salud en Gaza ha llegado a "un punto de no retorno" (Sansistemo en Gazao atingis "punkton de ne-reveno") kaj aliaj notetoj de ekzempla tago, la 10-a de novembro 2023, kie preskaŭ ĉiu taga novaĵo koncernas la kuracejon, en la retejo kaj televida kanalo France24 de Francio (hispane, jen ankaŭ arkive)