Ibero-latinida lingvaro
La ibero-latinida lingvaro estas subgrupo de la Okcidenta latinida lingvaro ene de la latinida lingvaro, kiu mem estas branĉo de la hindeŭropa lingvaro. La nomo aludas al la historia popolo de iberoj kaj al la ibera duoninsulo, kie la lingvoj de la lingvofamilio parolatas. Ĉiuj ibero-latinidaj lingvoj ekestis el la vulgara latino, kiu pluevoluis post la kolapso de la Romia Imperio meze de la unua jarmilo post Kristo, kaj miksiĝis kun lokaj keltaj, ĝermanaj kaj aliaj lingveroj.
Inter la ibero-latinidaj lingvoj estas la
- hispana lingvo,
- portugala lingvo, en Galegio nomata galega lingvo
- kataluna lingvo
- aragona lingvo kaj la
- asturia lingvo.
- Apartan mencion meritas la historia dialekto de la hispana, la judhispana lingvo, kiun nuntempe nur parolas malmultaj sefardaj judoj ĉefe en Turkio kaj Israelo.