Imre Csikász

Imre Csikász
Persona informo
Naskiĝo	9-an de majo 1884 (1884-05-09) en Veszprém
Morto	3-an de januaro 1914 (1914-01-03) (29-jaraĝa) en Budapeŝto
Ŝtataneco	Hungario
Memorigilo
Okupo
Okupo	skulptisto

Imre Csikász [ĉikAs], laŭ hungarlingve kutima nomordo Csikász Imre estis hungara skulptisto.

Imre Csikász naskiĝis la 9-an de majo 1884 en Veszprém (urbo), li mortis la 3-an de januaro 1914 (la biografioj mecias diversajn datenojn pri la mortotago!) en Budapeŝto.

Memortabulo pri Imre Csikász

Biografio

Imre Csikász interrompis la lernadon en piarista gimnazio en sia naskiĝurbo kaj li lernis lignoskulptadon en uzineto. Inter 1901 kaj 1904 li studis en Reĝa Industriarta Lernejo. Liaj plej gravaj instruistoj estis Lajos Mátrai kaj Henrik Pap. Post siaj studoj li laboris 2 jarojn en Kaposvár, poste helpe de eklezia apogo li plulernis en belarta akademio de Munkeno, poste en simila lernejo en Bruselo (1907-1910), fine en 1911 li studis jaron en Romo. Hejmenveninta li kreis unue en Artistkolonio (Kecskemét), poste en Budapeŝto. Liaj skulptaĵoj estis premiitaj ankaŭ eksterlande. Li mortis frue pro tuberkulozo.

Sidanta knabino fare de Csikász (1911)

Elektitaj ekspozicioj

• Arthalo Budapeŝto (1909, 1913)
• Budapeŝto (1911)
• Munkeno (1913)
• Veszprém (1932, 1964, 1984)

Elektitaj skulptaĵoj

• Brakumanta knabino (1907)
• Kapo de Kristo (1908)
• Juneco (1909)
• Sidanta knabino (1911, vidu la bildon!)
• Junulino (1912)
• Staranta knabino

Memorigiloj

• strato, memortabulo kaj galerio en Veszprém
• ŝtuparostrato kaj memortabulo en Balatonalmádi
• strato en Zirc

Fontoj

• hungarlingva biografio kun foto
• hungarlingva biografio kun foto Arkivigite je 2018-10-06 per la retarkivo Wayback Machine
• hungarlingva biografio (la koncerna teksto estas legebla en la -a paĝo)

• 
  Junulino (1912)
• 
  Memortabulo pri János Batsányi
• 
  Terakota ornama reliefo fare de Csikász
• 
  Terakota ornama reliefo fare de Csikász