Internacia Federacio de Sambo
| Internacia Federacio de Sambo | ||
|---|---|---|
| internacia sporta federacio organizaĵo 
| ||
| Komenco | 1984 vd | |
| Sidejo | Laŭzano | |
| Fondinto(j) | Fernando Compte vd | |
| Retejo | Oficiala retejo | |
La Internacia Federacio de Sambo (france Fédération Internationale de Sambo, angle International Federation of Amateur SAMBO - signifante Internacia Amatora Sambo-Federacio, akronime FIAS) estas neregistara neprofitcela organizaĵo kuniganta naciajn sambofederaciojn. Ĝi estas plena membro de tiaj internaciaj organizaĵoj kiel SportAccord, TAFISA (Asocio de Internacia Sporto por Ĉiuj) kaj WADA (Monda kontraŭ-dopa agentejo). La ĉefsidejo de la organizaĵo situas en Laŭzano, Svislando [1].
Historio
[redakti | redakti fonton]La Federacio estis fondita de Fernando Compte en 1984. Compte iĝis la unua prezidanto de la Federacio. En 2011, la vorto "amatoro" estis forigita de la nomo, sed estis decidite konservi la mallongigon senŝanĝa [2].
En la plej multaj landoj disvolvantaj sambon, ekzistas naciaj federacioj kiuj estas parto de FIAS. Pli ol 30 gravaj internaciaj sambokonkuradoj estas regule okazigitaj sub la aŭspicioj de FIAS, la plej gravaj el kiuj estas la Mondĉampionecoj kaj la Monda Juniora kaj Junulĉampioneco. Sambo estis inkludita en la oficiala programo de la Monda Lukto-Arto-Ludoj "SportAccord" kaj la 2013-datita Somera Universiado kune kun olimpikaj sportoj.
La 30-an de novembro 2018, dum kunveno de la plenuma komitato de la Internacia Olimpika Komitato okazinta en Tokio (Japanio), la Internacia Sambo-Federacio (FIAS) ricevis provizoran agnoskon konforme al paragrafo 25 de la Olimpika Ĉarto.
La 20-an de julio 2021, la Internacia Sambo-Federacio ricevis konstantan rekonon de la Internacia Olimpika Komitato (IOC). Ĉi tiu decido estis farita ĉe la sesio de IOC okazigita en Tokio (Japanio) antaŭ la komenco de la Somera Olimpiko 2020.
En 2022, malsame al la plejparto de internaciaj federacioj, FIAS ne malpermesis rusojn kaj belorusoj en respondo al la 2022 rusa invado de Ukrainio [3].
Referencoj
[redakti | redakti fonton]- ↑ Green, Thomas A.. (September 3, 2010) Martial Arts of the World: An Encyclopedia of History and Innovation. Bloomsbury Academic. ISBN 9781598842432.
- ↑ Sambo History - International Sambo Federation (FIAS). Alirita 3 September 2019 .
- ↑ National Sambo Federation of Ukraine to boycott European Championships (September 13, 2022).