Jóhanna Sigurðardóttir
- Ĉi tie estas islanda nomo. Plejmulto de islandanoj ne havas familiajn nomojn. La lasta nomo de ĉi tiu persono estas patronomo. Mencii ŝin oni povas sub ŝia persona nomo Jóhanna.
Jóhanna Sigurðardóttir ([ˈjouːhanːa ˈsɪːɣʏrðartouhtɪr]) (naskiĝis la 4-an de oktobro 1942 en Rejkjaviko) estas islanda politikisto. Ŝi estis ministro pri socia politiko de la jaroj 1987 ĝis 1994 kaj de 2007 ĝis 2009. Ekde la 1-a de februaro 2009 ŝi estas ĉefministro de Islando. Fakte ŝi estas la tutmonde unua malferme samseksema persono kiu estas la ĉefo de registaro.
Privata vivo
[redakti | redakti fonton]Jóhanna Sigurðardóttir estas deklare lesbanino, ekde 2002 vivas en kunviva registriĝo kun Jónína Leósdóttir. Ŝi havas du filojn (ili naskiĝis en 1972 kaj 1977) pro unua edzeco kun Þorvaldur Jóhannesson. Ŝia partnerino havas unu filon (n. 1981). Jóhanna estas la unua malferme samseksama estro de ŝtato en historio de homaro. Ŝi edziniĝis al ĵurnalistino Jónína Leósdóttir la 27-an de junio 2010, la unuan tagon post la ekvalido de la islanda leĝo ebliganta samseksajn edziĝojn[1].
Eksteraj ligiloj
[redakti | redakti fonton]- Biografio ĉe la retpaĝo de ministrio Arkivigite je 2009-01-31 per la retarkivo Wayback Machine angle
- Profilo ĉe la retpaĝo de parlamento angle
- Profile: Johanna Sigurdardottir, BBC News, 1-a de februaro 2009 angle