James Rosenquist

James Rosenquist
Persona informo
Aliaj nomoj	Rosenquist, James Albert
Naskiĝo	29-an de novembro 1933 (1933-11-29) en Grandaj Forkoj
Morto	31-an de marto 2017 (2017-03-31) (83-jaraĝa) en Nov-Jorko
Lingvoj	angla
Ŝtataneco	Usono
Alma mater	Universitato de Minesoto Minneapolis College of Art and Design (en) Art Students League of New York (en) Roosevelt High School (en)
Okupo
Okupo	pentristo gravuristo vidartisto skulptisto fotisto dezajnisto artisto
Verkoj	Paper Clip
TTT
Retejo	http://www.jimrosenquist-artist.com/

James Albert ROSENQUIST (la 29-an de novembro 1933, Grand Forks - la 31-an de marto 2017, Novjorko) estis usona pentristo kaj unu el la pioniroj de la poparto.

Biografio

Rosenquist kreskis kiel sola infano. Liaj gepatroj, Louis kaj Ruth Rosenquist, de sveda deveno, estis amatorpilotoj kiuj translokiĝis de urbo al urbo serĉante laboron, fine ekloĝante en Minneapolis. Lia patrino, mem pentristino, instigis la artan intereson de sia filo. En mezlernejo, Rosenquist gajnis mallongdaŭran stipendion por studi ĉe la Minneapolis School of Art. Li poste studis ĉe la Universitato de Minesoto de 1952 ĝis 1954. En 1955, danke al stipendio, li translokiĝis al Novjorko por studi ĉe la Art Students League. En 1960, li translokiĝis al Coenties Slip, Novjorko, kie li dividis atelieron kun la minimalisma artisto Charles Hinman.

Rosenquist laboris kiel publika artisto. Influita de sia metio, en grandaj formatoj, lia percepto pri realeco ŝanĝiĝis kaj inspiris lin krei monumentajn, tre kolorajn pentraĵojn, aŭtentajn "fragmentojn de la realeco".

Multaj el la pentraĵoj de Rosenquist estas inspiritaj per reklamado. Dum la retrospektivo organizita fare de la Guggenheim Foundation en 2004, la preparaj glumozaikoj de la artisto estis ekspoziciitaj. Ĉi tiuj glumozaikoj estas ĉefe prenitaj de reklamoj pri tabako, aŭtoj aŭ trinkaĵoj.

La pentristo, kiu batalis kontraŭ nekonata malsano, mortis en sia hejmo la 31-an de marto 2017, en la aĝo de 83 jaroj.

Eksteraj ligiloj

• James Rosenquist ĉe Artikoloj (angla)