João Paulo Lemmo Lemmi
João Paulo Lemmo Lemmi, konata laŭ la pseŭdonimo Voltolino, (San-Paŭlo, 1884 - 1926) estis brazila karikaturisto, desegnisto kaj ilustristo.[1]
En la jaro 1896 li transloĝiĝis kun la familio al la itala Pizo kie jarojn poste li komencis sian karieron kiel ilustristo por iuj periodaĵoj. Li reiris al San-Paŭlo en 1904 kaj estis dungita de grafikejoj. En la sekva jaro li aperigis siajn unuajn karikaturojn en la ĵurnalo Cara Dura kaj aliaj tiamaj periodaĵoj itallingvaj eldonitaj en San-Paŭlo.
Voltolino laboris ankaŭ kiel ilustristo de anoncoj kaj afiŝoj, krom libroj. Li respondecis pri la koloraj bildoj de la unua eldono de porinfanaj libroj de Monteiro Lobato, A Menina do Narizinho Arrebitado (1920) kaj Marquês de Rabicó (1922).