John Lundgren
| John Lundgren | |
|---|---|
| |
| Persona informo | |
| Naskiĝo | 22-an de aŭgusto 1870 en Ärentuna parish |
| Morto | 31-an de decembro 1940 (70-jaraĝa) en Hedemora församling |
| Lingvoj | Esperanto • sveda |
| Ŝtataneco | Svedio 
|
| Okupo | |
| Okupo | esperantisto railway official (en) 
|
John Valentin LUNDGREN (naskita la 22-an de aŭgusto 1870 norde de Uppsala, mortis la 31-an de decembro 1940 en Hedemora), pseŭdonimo Rigardanto, estis sveda esperantisto kaj fervoja supera oficisto.
Lundgren estis kunfondinto de la Sveda Esperanto-Federacio kaj prezidento de tio 1913–1918, kaj honora membro de la organizo.[1][2] Laŭ EdE, li kunreorganizis la Esperanto-movadon en Svedio en 1908. Ankaŭ de 1913 ĝis 1918, li eldonis kaj, kune kun Honoratus Bonnevie kaj Johan Helsing, redaktis la gazeton La Espero.[2] Tiam li vivis en Hedemora (proksime al la naskiĝloko de Helsing).[3]
De 1913[2] li estis membro de la Lingva Komitato. Liaj tradukaĵoj kaj artikoloj aperis en La Revuo, Tra la Mondo kaj aliaj gazetoj.
Lundgren naskiĝis en la paroĥo Ärentuna en Uppsala län, kaj mortis en la paroĥo Hedemora en Dalarnas län.
Referencoj
[redakti | redakti fonton]- Ĉi tiu artikolo baziĝas (parte aŭ tute) sur la artikolo Lundgren el la Enciklopedio de Esperanto.
- ↑ La Espero, majo 1956
- ↑ 2,0 2,1 2,2 Niaj mortintoj 1939–1945, en Esperanto, septembro-oktobro 1946, p. 5.
- ↑ Pri La Espero en retejo de SEF, arkivigita en januaro 2014
Vidu ankaŭ
[redakti | redakti fonton]- Ernst Eriksson, sveda esperantisto, fervojoficisto kaj parlamentano