Josselin

	Josselin
	bretone Josilin, galoa lingvo Jocelein, Jocelin aŭ Joczelein
	Komunumo
	La centro de Josselin kaj la kastelo de Rohan ĉe la bordoj de la rivero Oust
	Oficiala nomo: Josselin
Ŝtato	Francio
Regiono	Bretonio
Departemento	Morbihan
Arondismento	Pontivy
Kantono	Josselin (ĉefurbo)
Interkomunumo	Lando de Josselin
Historia regiono	Bretona duklando
Situo	Josselin
- koordinatoj	47° 57′ 24″ N 02° 32′ 50″ U / 47.95667 °N, 2.54722 °U (mapo)
Plej alta punkto
- alteco	93 m s. m.
Plej malalta punkto
- alteco	32 m s. m.
Areo	4,48 km² (448 ha)
Loĝantaro	2 674 (2009)
Denseco	596,88 loĝ./km²
Dato	2008-2014
Urbestro	Joseph Seveno
Horzono	MET (UTC+1)
- somera tempo	MET (UTC+2)
Poŝtkodo	56120
INSEE	56091
	Situo kadre de Francio Situo kadre de Francio
	Situo kadre de Morbihan Situo kadre de Morbihan
	Vikimedia Komunejo: Josselin
	Retpaĝo: Oficiala retpaĝejo de Pont-Croix

Ĉi tiu artikolo ankoraŭ estas ĝermo pri komunumo de Morbihan.

Helpu al Vikipedio plilongigi ĝin. Se jam ekzistas alilingva samtema artikolo pli disvolvita, traduku kaj aldonu el ĝi (menciante la fonton).

Koordinatoj: 47° 57′ 24″ N 02° 32′ 50″ U / 47.95667 °N, 2.54722 °U (mapo)

Josselin estas franca komunumo, situanta en la departemento Morbihan, kiu estas en la regiono Bretonio, kiu mem estas en Francio.

Kun siaj mezepokaj domoj kun ardezaj tegmentoj, kiuj staras flanke de deklivo, kaj la kastelo de Rohan, kiu speguliĝas trankvile en la rivero Oust, Josselin aspektas tre pitoreska. Situanta ĉe la limo inter la galolingva lando kaj la bretonlingva lando, kore de la iama vicgraflando de Porhôët, ĝia loko ebligas malkovri Argoaton riĉan je turismaĵoj.

La nomo en la galoa lingvo de la komunumo estas Jocelein, Jocelin aŭ Joczelein.
La nomo en la bretona de la komunumo estas Josilin.

Geografio

Josselin situas je 44 km de Vannes, 73 km de Lorient kaj 81 km de Rennes.

Josselin situas inter la rapida vojo Rennes / Lorient kaj la kanalo inter Nantes kaj Brest (la rivero Oust).

Historio

Tiu urbeto kun karaktero pli turisma estas fama pro sia impona kastelo, restadejo de la dukoj de Rohan.
Mezvoje inter Josselin kaj Ploërmel, okazis la fama batalo de la Tridek en la hereda milito de Bretonio en la mezepoko.
Oni rakontas ke sankta Mériadec tie fondis kapelon en la 4-a jc
Origine, la kastelo de Josselin posedis naŭ turojn. Nun, restas nur kvar, ĉar la kastelo estis parte detruita en 1629 laŭ ordono de la kardinalo Richelieu.
Ĝi estis ĉefurbo de la distrikto de Josselin de 1790 ĝis 1795.

Administrado

Demografio

Demografia evoluo

En 2008, Josselin enhavis 2 604 loĝantojn (t.e. kresko de 8 % kompare al 1999).

Loĝantara evoluo
1793	1800	1806	1821	1831	1836	1841	1846	1851
3 112	2 559	2 692	2 740	2 654	2 879	2 756	3 091	2 808

Loĝantara evoluo, daŭrigo (1)
1856	1861	1866	1872	1876	1881	1886	1891	1896
2 645	3 151	2 766	2 604	2 712	2 651	2 631	2 448	2 453

Loĝantara evoluo, daŭrigo (2)
1901	1906	1911	1921	1926	1931	1936	1946	1954
2 500	2 254	2 351	2 135	2 238	2 099	2 195	2 260	2 328

Loĝantara evoluo, daŭrigo (3)
1962	1968	1975	1982	1990	1999	2006	2008	2009
2 231	2 283	2 611	2 548	2 338	2 421	2 582	2 604	2 553

Bretona lingvo

Komence de la lerneja jaro en 2007, 17,1 % el la komunumaj infanoj estis registritaj en dulingvaj elementaj lernejoj^[2].

Lokoj kaj monumentoj

Religia heredaĵo

La baziliko Notre-Dame-du-Roncier, ankaŭ nomata paroĥa preĝejo Notre-Dame-du-Roncier, konstruita fine de la 12-a jc kaj plurfoje pligrandigita kaj modifita estas klasita monumento historia ekde 1927 kaj 1929^[3]. Ĝi enhavas la kuŝostatuojn de Olivero la Kvina de Clisson, konestablo de Francio, kaj de ties edzino Margareta de Rohan (ĉ. 1330-1406).

La Fontano de la Dipatrino, dirata Mirakla Fontano, fontano de devoteco al Notre-Dame-du-Roncier, datiĝanta de 1675, restaŭrita en 1958 estas murfontano registrita monumento historia en 1928.

Baziliko
Gargojloj de la preĝejo
Fontano de la Dipatrino, dirata mirakla fontano

La preĝejo Sainte-Croix fondita en 1060 sur la loko dirata la priorejo de Josthon de Porhoët. Ĝiaj navo de la 11-a jc kun ebena absido, masiva turo kaj flanka kapelo estis registritaj monumentoj historiaj en la 9-a de septembro 1975^[4]. La kalvario, el granito, vidigas krucumitan Kriston, sanktan Laŭrencon, sanktan Johanon la Baptisto, kronitan sanktan annan kaj la Dipatrino kun infano, piede estas skribita 'registrita monumento historia' ekde la 25-a de septembro 1928.

La preĝejo Saint-Martin, kiu dependis de la priorejo fondita en 1105, fariĝis paroĥa en ĉ. 1400. Ĝi estis multe modifita en la 17-a jc, la navo estis detruita en la 19-a jc kaj kapelo estis rekonstruita surloke. Ĝi gravas por la romanika bretona arkitekturo caxr ĝi estas kopio de la vera benediktana plano. Ĝi estis registrita monumento historia en la 16-a de decembro 2003^[5]

Laika heredaĵo

La centro de la urbo inter la baziliko kaj la kastelo konsistas el mezepokaj lignostrukturaj domoj kaj el ŝtonaj domoj. Estis registritaj monumentoj historiaj :

la domo de la placo Notre-Dame konstruita en la 15-a jc, registrita en la 17-a de aprilo 1931,
la domo datita de 1538 kun spindelformaj pilastroj teretaĝe kaj ligna strukturo de la 3-a rue Georges-Le-Berd, la malnova Grande-Rue la 17-an de majo 1933,
tiu de la strato Glatinier datita de 1602, registrita la 16-an de majo 1944,
tiu de la 21-a strato Olivier-de-Clisson registrita en 1933 poste klasita en la 9-a de marto 1939,
tiu de la 27-a strato Olivier-de-Clisson registrita en 1931,
tiu de la 4-a placo de la résistance registrita la 19-an de majo 1944,
du domoj sur strato Saint-Michel,

Mezepoka domo
Alia mezepoka domo
Turismoficejo
Lignostrukturaj domoj 5, 7 rue des Trente (strato de la trideko)

Lignostrukturaj domoj 5, 7 rue des Trente (strato de la trideko)