Kajto (muzikgrupo)
| Kajto | |
|---|---|
 Kajto dum prezentiĝo
| |
| Bazaj informoj | |
| Deveno |  Frislando, Nederlando
|
| Ĝenroj | folklora muziko en Esperanto, maristaj ĉantoj (d:Q1195253) |
| Aktivaj jaroj | 1988 - nuntempo |
| Retejo | www |
| Membroj | |
| Antaŭaj membroj | |
|
Marita Kruijswijk | |
Kajto estas nederlanda muzikgrupo el Frislando. La repertuaro de Kajto konsistas el vigla popolmuziko, maristaj kantoj, kanonoj kaj popoldancoj. Kajto kantas ĉefe en Esperanto sed ankaŭ nederlande, frise kaj en aliaj lingvoj. Dum la koncertoj la grupo invitas la publikon al kunkantado.
En 2004 la grupo estis premiita per FAME-premio pro sia kontribuo al Esperanto-muziko.
Ilia retejo kajto.co.nl, kiu estis publika ĝis 2023, uzis propran skribosistemon je kelkaj paĝoj.[1]
Membraro
[redakti | redakti fonton]- Nanne Kalma: kantado, gitaro, cistro, mandolino, buŝharmoniko, violono
- Marita Kruijswijk: kantado, bekflutoj, ŝalmo
- Ankie van der Meer: kantado, gitaro, banĝo
- Marian Nesse (d:Q111473718): kantado, akordiono
La kvar membroj de la frislingva folkmuzika grupo Kat yn't Seil en 1987 lernis Esperanton kaj komencis verki kaj ekzerci esperantajn versiojn de siaj kantoj. Unua publika prezento estis en 1988, kaj unua vere grandskala prezentiĝo en la UK 1989 en Brajtono. Rapide aldoniĝis ankaŭ kanzonoj originale verkitaj en Esperanto. Post 2007, do post 20 jaroj da kuna muzikado, la grupo ne plu estas kvaropo[2]: nur Nanne Kalma kaj Ankie van der Meer daŭre kunludas duope sub la nomo "Kajto". Marita Kruijswijk kaj Marian Nesse partoprenas novan grupon "Kapriol'!", kun Rutger Dijkstra kaj Ad Bos. La nova grupo Kapriol'! tamen ankoraŭ ludas dum koncertoj kelkajn verkojn de la repertuaro de la tiama kvaropo Kajto. Dum 2017, tamen, por celebri la 30-jaran datrevenon de la originala grupo, ĉiuj antaŭaj kvar membroj prezentis sin kune kiel "Kajto Kvarope",[3], interalie en la UK 2017 en Seulo.
La kunmuzikistino Marian Nesse (naskiĝinta en 1957) forpasis post longa malsano la 8-an de februaro 2022.[4]
Diskaro
[redakti | redakti fonton]
- 1989 – Kajto
- 1991 – Procesio Multkolora
- 1993 – Tohuvabohuo
- 1999 – Masko
- 2004 – Lokomotivo, rulu nun!
- 2011 – Duope
- 2015 – Flugas
- 2019 – La universala arbo[5]
- 2023 – Sen timo[6]
Libroj
[redakti | redakti fonton]La grupo ankaŭ eldonis du librojn, nome:
- Kajto – kanonoj (1995): teksto kaj muziknotoj de 18 kanonoj
- Kajto – kantlibro (1995): (kun multe da fotoj kaj muziknotoj)
Referencoj
[redakti | redakti fonton]- ↑ Arkivita kopio. Arkivita el la originalo je 2019-09-22. Alirita 2019-09-22 .
- ↑ El la oficiala TTT-paĝo: https://marianta.home.xs4all.nl/kajto.htm#esperanto
- ↑ Informo ĉe la unua linio de la teksto en la oficiala TT-paĝohttps://marianta.home.xs4all.nl/kajto.htm#esperanto
- ↑ noto de la Ĉina Interreta Informa Centro pri la forpaso (esperante)
- ↑ https://www.vinilkosmo-mp3.com/en/song-traditional-progressive/kajto-115/8-la-universala-arbo.html
- ↑ https://www.vinilkosmo-mp3.com/en/song-traditional-progressive/kajto-115/9-sen-timo
Eksteraj ligiloj
[redakti | redakti fonton]- Antaŭa oficiala retejo, lasta registrita arkivigo fine de marto 2023 (esperante)
- retejo Nanne & Ankie (precipe nederlande, sed partoj ankaŭ esperante kaj frise)
- aktuala "membiografio de Kajto" (esperante kaj nederlande)
- Kajto ĉe Kantaro-Vikio
- Kajto ĉe Vinilkosmo
- Kajto ĉe Spotify
- Kajto ĉe Apple Music
- Kajto ĉe Deezer
- Kajto ĉe MusicBrainz
| ||||||
