Kamemoro
 | ||||||||||||||
|---|---|---|---|---|---|---|---|---|---|---|---|---|---|---|
 El "Bilder ur Nordens Flora" (1917-1926)
| ||||||||||||||
| Biologia klasado | ||||||||||||||
| ||||||||||||||
| Rubus chamaemorus L. | ||||||||||||||
Aliaj Vikimediaj projektoj
| ||||||||||||||
Ĥamemoro aŭ Kamemoro (Rubus chamaemorus), esperante ankaŭ ĥamemoro aŭ marĉa rubuso aŭ flava nanorubuso, estas specio de frukto el la genro Rubuso, kiu kreskas en marĉoj en norda Eŭropo.
Ĝi estas moltiga staŭdo (plurjara planto), diklina (unuseksa) planto. Ĝi vivas en la malvarmetaj regionoj en la norda hemisfero. Ĝiaj unujaraj, sendornaj ŝosoj altas 10-20 cm. La folioj estas lobaj, la randoj estas puntaj.
Pinte de la ŝosoj situas la floroj (diametro de 1,5-2 cm) kun 5 blankaj petaloj. La floroj floras en majo, polenadas ilin insektoj (ĉefe muŝoj, himenopteroj).
La frukto estas komence verda kaj malmola, duonmature ruĝa, mature orflava kaj sukoriĉa. Oni povas rikolti la frukton de julio ĝis septembro. Strikte en la botanika senco, ĝia bero ne estas bero sed estas plurfrukto de multaj drupetoj.
La maturiĝinta frukto riĉas je C-vitamino, kostas dekoble kompare al frago. Oni faras el ĝi siropon, marmeladon, likvorojn, jogurton aŭ frostodeponas ĝin.
