Kampiktero

Kiel legi la taksonomion Kampiktero
Kampiktero
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Paseroformaj Passeriformes Familio: Ikteredoj Icteridae Genro: Icterus Specio: 'I. jamacaii'
Dunomo
Icterus jamacaii (Gmelin, 1788)
Konserva statuso
Konserva statuso: Malplej zorgiga
Aliaj Vikimediaj projektoj

La Kampiktero (Icterus jamacaii) estas specio de birdo de la familio de Ikteredoj kaj de ties tipa genro nome Ikteroj kiu enhavas speciojn kiuj montras flavajn kaj nigrajn kolorojn. Ĝi troviĝas en granda parto de Sudameriko nome en Argentino, Bolivio, ĉefe en nordorienta Brazilo, Kolombio, Ekvadoro, Gujano, Paragvajo kaj Peruo. Ĝi loĝas en pli sekaj areoj kiaj kaatingo kaj savano, sed ankaŭ ĉe deciduaj arbaroj.

Aspekto

Tiu specio havas nigrajn kapon, supran bruston, mezan dorson, flugilojn kaj voston, dum estas flavoranĝaj nuko, supra dorso, pugo, subaj partoj inklude subvoston kaj ŝultromakuloj. Estas blanka flugilstrio. La suba makzelo estas klare helblugriza. Kaj klara distingilo estas blankeca iriso, malkutime inter ikteroj.

Diferencoj

Kelkaj fakuloj kiaj Ridgely kaj Tudor kaj Howard kaj Moore traktis iam la Kampikteron kiel subspecio de la Trupialo, Icterus icterus, sed lastatempe, kiel ĉe Clements, oni konsideras ilin apartajn speciojn. La Kampiktero diferencas el la Trupialo pro oranĝa koloro pli ol blanka ĉe grandaj kovriloj, blanka flugilstrio nur en duarangaj flugilplumoj kaj tre limigita areo de blua haŭtaĵo ĉirkaŭ okuloj, dum la Oranĝadorsa iktero havas oranĝajn kronon, nukom kaj dorson.

Estas polemiko ankaŭ pri la fakto ĉu la Kampiktero konstruas siajn proprajn nestojn aŭ rabas ilin de aliaj birdoj.