Kastelo Gottorf
| Kastelo Gottorf | |||
|---|---|---|---|
| Kastelo | |||
 | |||
| kastelo, loĝejo [+] | |||
| Supermara alteco | 19 m ü. NHN [+] | ||
| Koordinatoj | 54° 30′ 42″ N, 9° 32′ 29″ O (mapo)54.5116666666679.5413888888889Koordinatoj: 54° 30′ 42″ N, 9° 32′ 29″ O (mapo) | ||
| Arkitekto | Nicodemus Tessin la juna | ||
|
|||
 |
|||
| Kastelo Gottorf | |||
 Vikimedia Komunejo: Schloss Gottorf [+] |
|||
| En TTT: Oficiala retejo [+] | |||
La kastelo Gottorf - altgermane Schloss Gottorf, platgermane Slott Gottorp, dane Gottorp Slot - en la urbo Schleswig (Ŝlesvigo) estas inter la plej signifaj ne-religiaj historiaj konstruaĵoj de la federacia lando Ŝlesvigo-Holstinio de Germanio.[1] Dum sia pli ol 800-jara historio ĝi plurfoje amplekse trakonstruiĝis kaj ampleksiĝis, tiel ke ĝi ŝanĝiĝis de mezepoka burgo tra renesanca fortikaĵo al baroka rezideja kastelo. La kastela nomo iĝis parto de la dinastia nomo Schleswig-Holstein-Gottorf, flanka branĉo de la Oldenburga dinastio, el kiu en la 18-a jarcento interalie fontis kvar reĝoj de Svedio kaj pluraj caroj de la Rusia Imperio el la dinastia branĉo Romanov-Holstein-Gottorp.
La plej granda kastelo de la nuna federacia lando estis posedaĵo de la reĝoj de Danio kaj de la dukoj de la duklando Ŝlesvigo. Post kiam la armeo de la dana reĝo en 1713 aneksis parton de la duklando Ŝlesvigo, en kiu situis la kastelo, la konstruaĵo unue estis rezidejo de la reprezentanto de la dana reĝo en la urbo, poste kazerno. Nun ĝi estas la loko de du landaj muzeoj, kaj de muzea fondaĵo. Norde de la kastelo dum la pasintaj jaroj rekonstruiĝis la parko Neuwerkgarten, unu el la unuaj barokaj terasoparkoj de norda Eŭropo.
Referencoj
[redakti | redakti fonton]- ↑ Dehio: Handbuch der Deutschen Kunstdenkmäler. Hamburg, Schleswig-Holstein, paĝo 800.